ప్రకృతిని మనం కాపాడితే అది మనల్ని కాపాడుతుందన్నది ఛత్తీస్గఢ్ రాయ్పుర్ జిల్లా అమెరి గ్రామవాసులు విశ్వాసం. నమ్మకమే కాదు... ఏకంగా ఆలయం నిర్మించి ప్రకృతిని దేవతగా కొలుచుకుంటున్నారు.
దేశంలోని ఆసక్తికర ఆలయాల్లో అమెరిలోని పర్యావరణ్ దామ్ ఒకటి. హిందువులకు ఇది ఒక ప్రముఖ పుణ్యస్థలం. ప్రకృతిని దేవతగా పూజించటం ఇక్కడి ప్రత్యేకత.
ఇరవై ఏళ్ల క్రితం ఆలయ నిర్మాణం చేప్టటారు. ఆలయం ప్రాంతంలో ఓ భక్తుడు మొక్కలు నాటడం ప్రారంభించాడు. ఆయనకు గ్రామస్థులు సాయం చేస్తూ మొక్కల పెంపకం చేపట్టారు. అనంతరం ఆలయానికి పర్యావరణ్ దామ్ అని నామకరణం చేశారు. ఈ ఆలయం పుణ్యక్షేత్రంగానే కాదు పర్యటక కేంద్రంగానూ పేరుగాంచింది.
"ఇటుక, రాయి, ఇనుము, సిమెంట్తో ఆలయ నిర్మాణం చేపట్టాలనే ఆవశ్యకత లేదు. భగవంతుని మందిర నిర్మాణం జరిగింది. ఆలయంలో ఐదు తత్వాలు ఉన్నాయి. పంచ తత్వాల్లో భ అంటే భూమి, గ అంటే గగన్ (ఆకాశం), వ అంటే వాయువు (గాలి), అ అంటే అగ్ని, న అంటే నీరు. భ,గ,వ, అ, న అనే ఐదు తత్వాలు కలగలిపిన భగవంతుడు ఈ ఆలయంలో కొలువై ఉన్నాడు."
- స్థానికుడు.
ఇలాంటి హరిత ఆలయాలను దేశవ్యాప్తంగా నిర్మిస్తే.. భూతాప సమస్యను అధిగమించవచ్చన్నది స్థానికుల మాట.
ఇదీ చూడండి: వరుణుడి కరుణ కోసం 'కప్పల పెళ్లి'
