భారత్తో దౌత్య సంబంధాలు రద్దు చేసుకున్న పాక్.. కర్తార్పుర్ ప్రాజెక్టును మాత్రం పూర్తి చేస్తామని తెలిపింది. ఇప్పటికే ప్రాజెక్టుకు సంబంధించిన రోడ్లు, వంతెన, భవనాల నిర్మాణ పనులను పాకిస్థాన్ 90 శాతం పూర్తి చేసింది.
పాక్ అన్ని మతాల వారిని గౌరవిస్తుంది. కర్తార్పుర్ ప్రాజెక్టును కచ్చితంగా పూర్తి చేస్తుంది
-పాక్ విదేశాంగ మంత్రి షా మహమూద్ ఖురేషి
ఈ ప్రాజెక్టు పూర్తయితే సిక్కులు అత్యంత పవిత్రమైన ప్రాంతంగా భావించే పాకిస్థాన్ కర్తార్పుర్‌లోని గురుద్వారా దాదర్ సాహిబ్కు నేరుగా రాకపోకలు జరపటానికి వీలవుతుంది.
పాక్కు పంజాబ్ ప్రతినిధుల బృందం
కర్తార్పుర్ కారిడార్ ప్రాజెక్ట్ సందర్శించి పనుల పురోగతిని తెలుసుకోవడానికి పంజాబ్ ప్రతినిధులకు కేంద్రం నుంచి అనుమతి లభించిందని రాష్ట్ర మంత్రి సుఖ్జిందర్ సింగ్ రాఘవ తెలిపారు. ప్రాజెక్టుతో పాటు పాకిస్థాన్ ప్రధాని ఇమ్రాన్ ఖాన్ను కలవడానికి పంజాబ్ ప్రతినిధులకు, ఎమ్మెల్యేలకు అనుమతి లభించిందని మంత్రి అన్నారు.
2018లో ఒప్పందం
2018 నవంబర్లో కర్తార్పుర్ ప్రాజెక్టు నిర్మించాలని పాకిస్థాన్-భారత్ ఒప్పందాలు చేసుకున్నాయి. గురునానక్ 550వ జన్మదినోత్సవమైన 2019 నవంబర్ 12 లోపు కర్తార్పుర్ ప్రాజెక్టును పూర్తి చేసి రాకపోకలు జరపాలని పాక్ను కోరింది భారత్.
ఇదీ చూడండి:మోదీ ప్రసంగం: భాజపా ప్రశంస- భరోసా ఇవ్వలేదన్న కాంగ్రెస్
