పాక్​ వక్రబుద్ధి.. కాల్పుల విరమణ ఒప్పందానికి తూట్లు

సరిహద్దులో కాల్పుల విరమణ ఒప్పందాన్ని ఉల్లంఘిస్తూ పాకిస్థాన్ మరోసారి కవ్వింపు చర్యలకు పాల్పడింది. నియంత్రణ రేఖ వెంబడి గ్రామాలు, సైనిక స్థావరాలే లక్ష్యంగా కాల్పులకు తెగబడింది. పాక్​ చర్యకు భారత సైన్యం దీటుగా బదులిచ్చింది.

పాకిస్థాన్​ మరోసారి కాల్పుల విరమణ ఒప్పందాన్ని ఉల్లంఘించింది. జమ్ముకశ్మీర్​ రాజౌరీ జిల్లాలో నియంత్రణ రేఖ వెంబడి గ్రామాలు, సైనిక స్థావరాలే లక్ష్యంగా పాక్ సైన్యం కాల్పులకు తెగబడింది.

పాక్​ చర్యను భారతసైన్యం దీటుగా తిప్పికొట్టినట్లు అధికారులు తెలిపారు. సుందర్​బనీ సెక్టార్​లో భారత్, పాక్​ సైన్యాల మధ్య భీకర కాల్పులు జరిగినట్లు అధికారులు వెల్లడించారు. ఈ ఘటనలో ఎలాంటి ప్రాణ నష్టం జరగలేదని స్పష్టం చేశారు.