ఎన్నో దశాబ్దాలుగా సంగీత ప్రస్థానాన్ని కొనసాగించిన ప్రముఖ సంగీత విద్వాంసుడు పండిట్ జస్రాజ్ కన్నుమూశారు. ఆయన వయసు 90 ఏళ్లు. అమెరికాలోని న్యూజెర్సీలో ఆయన తుదిశ్వాస విడిచినట్లు ఆయన కుమార్తె దుర్గా జస్రాజ్ వెల్లడించారు.
1930లో హరియాణాలోని హిసార్‌ జిల్లాలో జన్మించిన జస్రాజ్ గాయకుడిగా, సంగీత గురువుగా, తబాలా వాద్య కారుడిగా విశేష ఖ్యాతి గడించారు. జస్రాజ్ పాడిన శాస్త్రీయ, సెమీ క్లాసికల్‌ గీతాలు విశేష ప్రజాదరణ పొందాయి. ఆయన ఆల్బమ్‌లు, సినీ గీతాలు ప్రపంచవ్యాప్తంగా సంగీత అభిమానులను ఓలలాడించాయి. భారత్‌, అమెరికా, కెనడాలో ఆయన అనేక మందికి సంగీతాన్ని నేర్పించారు.
అవార్డ్లు...
సంగీత ప్రపంచానికి ఆయన చేసిన సేవలకుగాను 1975లో పద్మశ్రీ, 1990లో పద్మభూషణ్‌, 2000లో పద్మ విభూషణ్ పురస్కారాలు పండిట్ జస్రాజ్‌ను వరించాయి. జస్రాజ్ శిష్యులు కూడా సంగీత ప్రపంచంలో ఉన్నత శిఖరాలను అధిరోహించారు.
