దేశంలో 10లక్షలు దాటిన కరోనా టీకా లబ్ధిదారులు

దేశంలో కరోనా టీకా పొందిన వారి సంఖ్య 10లక్షలు దాటింది. ఒక్కరోజులోనే సుమారు 2లక్షల మందికిపైగా టీకా అందించినట్టు పేర్కొంది పేర్కొంది కేంద్ర ఆరోగ్య శాఖ.

దేశవ్యాప్తంగా కొవిడ్​-19 టీకా​ తీసుకున్న వారి సంఖ్య 10లక్షలు దాటినట్టు కేంద్ర ఆరోగ్య శాఖ వెల్లడించింది. ఈ నెల 16న వ్యాక్సినేషన్​ ప్రారంభమైన నాటి నుంచి ఇప్పటివరకు మొత్తం 10.5 లక్షల మంది లబ్ధిదారులకు టీకా అందించినట్టు పేర్కొంది.

ఒక్కరోజు వ్యవధిలోనే 4,049 సెషన్​ల ద్వారా 2,37,050 మందికి వ్యాక్సిన్ అందించినట్టు తెలిపింది ఆరోగ్య శాఖ. ఫలితంగా ఇప్పటివరకు వ్యాక్సినేషన్​ కోసం చేపట్టిన సెషన్​ల సంఖ్య 18,167కు చేరింది.

ఇదీ చదవండి: దేశంలో మరో 14,545 మందికి కరోనా