పార్లమెంటులో 'పౌర' సెగ- రాజ్యసభలో వాయిదా పర్వం

పౌరచట్టం, ఎన్​పీఆర్​, ఎన్​ఆర్​సీల​కు వ్యతిరేకంగా పార్లమెంటులో విపక్ష సభ్యులు నిరసన వ్యక్తం చేశారు. లోక్​సభ స్పీకర్​ ఓంబిర్లా.. శాంతించాలని కోరినా సభ్యులు ఆందోళన కొనసాగించారు. రాజ్యసభలోనూ సభ్యుల ఆందోళనలతో వాయిదాల పర్వం కొనసాగుతోంది.

పౌరసత్వ చట్టానికి వ్యతిరేకంగా పార్లమెంటు వేదికగా విపక్షాలు ఆందోళన చేపట్టాయి. ప్రశ్నోత్తరాల సమయంలో విపక్ష సభ్యులు చట్టానికి వ్యతిరేకంగా నినాదాలు చేశారు. 'ప్రజాస్వామ్యాన్ని రక్షించండి.. రాజ్యాంగాన్ని కాపాడండి' అంటూ నినదించారు ఎంపీలు.

యువతలో నైపుణ్యాల అభివృద్ధిపై చర్చకు అవకాశమివ్వాలని.. ఎంపీలు తమ తమ స్థానాల్లో కూర్చోవాలని స్పీకర్​ ఓం బిర్లా సూచించారు. సభ సజావుగా సాగేలా చూస్తామని పార్టీ సభాపక్షనేతలు హామీ ఇచ్చినట్లు సభ్యులకు గుర్తు చేశారు బిర్లా.

రాజ్యసభ వాయిదా..

సీఏఏ వ్యతిరేక నిరసనలతో రాజ్యసభలో గందరగోళం నెలకొంది. జాతీయ జనాభా పట్టిక (ఎన్​పీఆర్​)కు వ్యతిరేకంగా సభ్యులు నినాదాలు చేశారు. ఈ ఆందోళనల నడుమ ఎగువ సభ 3 సార్లు వాయిదా పడింది.