'ఆపరేషన్​ బాలాకోట్' వీరులకు ఘన సత్కారం

87వ వైమానిక దళ దినోత్సవాన్ని ఘజియాబాద్​లో ఘనంగా నిర్వహించారు. జాతీయ యుద్ధ స్మారకం వద్ద త్రివిధ దళాధిపతులు నివాళులు అర్పించారు. బాలాకోట్​ వైమానిక దాడుల్లో పాల్గొన్న రెండు స్క్వాడ్రన్లను వాయుసేన సారథి సత్కరించారు.

నేడు 87వ వైమానిక దళ దినోత్సవం. యూపీ ఘజియాబాద్​లోని హిండన్ ఎయిర్​బేస్​ వేదికగా ఘనంగా వేడుకలు నిర్వహించారు. వాయుసేన సిబ్బంది కవాతులు, విన్యాసాలు చేశారు.

సైన్యాధిపతి బిపిన్ రావత్, భారత వైమానిక దళం సారథి ఆర్​కేఎస్ భదౌరియా, నౌకాదళ అధిపతి కరంబీర్​ సింగ్ కార్యక్రమానికి హాజరయ్యారు. జాతీయ యుద్ధ స్మారకం వద్ద త్రివిధ దళాధిపతులు నివాళులు అర్పించారు.

పాకిస్థాన్ బాలాకోట్​లోని ఉగ్ర స్థావరాలపై మెరుపు దాడులు చేయడంలో భాగస్వాములైన 51 స్క్వాడ్రన్, 9 స్క్వాడ్రన్​ సిబ్బందిని భదౌరియా సత్కరించారు.

ఇదీ చూడండి:శానిటరీ నాప్కిన్స్​తో గార్బా నృత్యం!