చారిత్రక కట్టడాల్లో ప్లాస్టిక్ నిషేధం: ప్రహ్లాద్ పటేల్
ఒకసారి వాడిపడేసే ప్లాస్టిక్ వాడకం కట్టడి దిశగా కేంద్రం మరో నిర్ణయం తీసుకుంది. చారిత్రక కట్టడాల లోపల, వాటి చుట్టుపక్కల 100 మీటర్ల పరిధిలో ప్లాస్టిక్ వాడకాన్ని నిషేధిస్తున్నట్లు కేంద్ర పర్యటక శాఖ మంత్రి ప్రహ్లాద్ పటేల్ ప్రకటించారు. పర్యటక ఉత్సవం పర్యటన్ పర్వ్‌ను దిల్లీలో ప్రారంభించిన మంత్రి ఈమేరకు స్పష్టం చేశారు. మహాత్మాగాంధీ 150వ పుట్టినరోజు సందర్భంగా ఒకసారి వాడిపడేసే ప్లాస్టిక్‌పై దేశవ్యాప్తంగా నిషేధం విధించాలన్న నిర్ణయాన్ని కేంద్రం పక్కకు పెట్టింది. ఇది ఆర్థిక మందగమనం సహా.... ఉద్యోగాలు కోల్పోయి పరిశ్రమ మరింత కుదేలయ్యే ప్రమాదమున్నందున ఈ నిర్ణయం తీసుకుంది.
