సార్వత్రిక ఎన్నికల మూడో విడత పోలింగ్లో మూడో వంతు ప్రజలు ఓటు హక్కును వినియోగించుకున్నారు. ఎలాంటి ఉద్రిక్తతలు తలెత్తకుండా ప్రశాంత వాతావరణంలో ప్రజలు ఓటు వేస్తున్నారు. ఓటర్లు అధిక సంఖ్యలో పోలింగ్ కేంద్రాల వద్ద బారులు తీరారు.
ఈ విడతలోని ఓటర్లలో 37.89 శాతం మంది ఓటేశారు.
వివిధ ప్రాంతాల్లో మధ్యాహ్నం ఒంటి గంట వరకు నమోదైన పోలింగ్ శాతాలు...
- అసోం: 36.74 %
- బిహార్: 37.05 %
- గోవా: 45.78 %
- గుజరాత్: 39.34 %
- జమ్ముకశ్మీర్: 9.63 %
- కర్టాటక: 19.17%
- కేరళ: 39.89 %
- మహారాష్ట్ర: 31.99 %
- ఒడిశా: 32.82 %
- త్రిపుర: 44.66 %
- ఉత్తరప్రదేశ్: 29.76 %
- బంగాల్: 52.40%
- ఛత్తీస్గఢ్: 42.97%
- దాద్రా అండ్ నాగర్ హవేలి: 37.20%
- డమన్ అండ్ డియు: 42.99%
క్యూలైన్లో ఇద్దరు మరణం...
కేరళలో ఇద్దరు వృద్ధులు పోలింగ్ కేంద్రంలోనే ప్రాణాలు కోల్పోయారు. వటకార, వడసెరిక్కర నియోజకవర్గాల్లో ఓటింగ్ కోసం లైన్లో వేచిచూస్తోన్న వృద్ధులు అక్కడికక్కడే కుప్పకూలిపోయారు. దగ్గరలోని ఆస్పత్రికి తరలించినప్పటికీ ఫలితం లేకుండా పోయింది.
