భారత్లోకి చొరబడేందుకు యత్నించిన ఉగ్రమూకలను తరిమికొట్టాయి భద్రతా బలగాలు. జమ్ముకశ్మీర్ పూంచ్ జిల్లాలోని నియంత్రణ రేఖ (ఎల్ఓసీ) వెంబడి చొరబాట్లకు ప్రయత్నిస్తున్న క్రమంలో గుర్తించి కాల్పులు జరిపాయి. ఈ ఘటనలో ఓ ఉగ్రవాది హతమవగా.. మరో ఇద్దరు తీవ్రంగా గాయపడినట్లు అధికారులు తెలిపారు.
" జిల్లాలోని కృష్ణా ఘాటి సెక్టార్లో చొరబాట్లకు ప్రయత్నిస్తున్నట్లు నిఘా వర్గాలు సిబ్బందిని అప్రమత్తం చేశాయి. వెంటనే స్పందించిన బలగాలు ఉగ్రవాదులను నిలువరించే చర్యలు చేపట్టాయి. ఇరువురి మధ్య జరిగిన కాల్పుల్లో ఓ ముష్కరుడు అక్కడికక్కడే హతమయ్యాడు. మరో ఇద్దరికి తీవ్ర గాయలయ్యాయి. మరణించిన ఉగ్రవాది సహచరులు అక్కడి నుంచి మృతదేహాన్ని తీసుకెళ్లినట్లు తర్వాత తెలిసింది. ఒక ఏకే-47 రైఫిల్, రెండు మ్యాగజైన్లు, ఇతర ఆయుధాలు స్వాధీనం చేసుకున్నాం."
- లెఫ్టినెంట్ కల్నల్ దేవేందర్ ఆనంద్, సైన్యం అధికార ప్రతినిధి
ఇదీ చూడండి: కశ్మీర్ రంగస్థలంలో సరికొత్త 'రాజకీయం'!
