దిల్లీలో నిరసనలు చేపట్టిన రైతులకు మరో చేదు వార్త అందింది. దిల్లీ-హరియాణా సింఘూ సరిహద్దు వద్ద మరో అన్నదాత ప్రాణాలు కోల్పోయాడు. మృతుడిని పంజాబ్కు చెందిన భీమ్ సింగ్గా గుర్తించారు.
అయితే ఈయన సింఘూ సరిహద్దు వద్ద ఉన్న ఓ కాలువలో పడి మరణించినట్టు తెలుస్తోంది. ఘటనాస్థలానికి చేరుకున్న పోలీసులు.. మృతదేహాన్ని పంచనామా కోసం అసుపత్రికి తరలించారు.
నూతన వ్యవసాయ చట్టాలకు వ్యతిరేకంగా 22 రోజులుగా ఆందోళనలు కొనసాగిస్తున్నారు రైతులు. చట్టాలను ప్రభుత్వం రద్దు చేసి తీరాల్సిందేనని డిమాండ్ చేస్తున్నారు. కానీ తాము చట్టాలను ఉపసంహరించుకోమని కేంద్రం స్పష్టంగా చెబుతోంది. ఈ నేపథ్యంలో దిల్లీ సరిహద్దుల్లో రైతులు నిరసనలు ఉద్ధృతం చేశారు.
ఇదీ చూడండి:- 'రైతుల నిరసనను నీరుగార్చే చర్చలు ఆపాలి'
