కరోనా వైరస్ దేశంలో మరొకరిని బలితీసుకుంది. పంజాబ్కు చెందిన ఓ 70 ఏళ్ల వ్యక్తి చికిత్స పొందుతూ గురువారం ప్రాణాలు కోల్పోయాడు. ఫలితంగా భారత్లో వైరస్తో మరణించిన వారి సంఖ్య 4కు చేరింది. ఇప్పటి వరకు కర్ణాటక, మహారాష్ట్ర, దిల్లీ, పంజాబ్లో మరణాలు సంభవించాయి.
ఈ మేరకు కేంద్ర ఆరోగ్య శాఖ ఓ ప్రకటన చేసింది. దేశంలో వైరస్ కేసుల సంఖ్య 173కు చేరినట్లు తెలిపింది. ఇందులో 25 మంది విదేశీయులు (ఇటలీ-17, ఫిలిప్పీన్స్-3, బ్రిటన్-2, కెనడా-1, ఇండోనేషియ-1, సింగపుర్-1) ఉన్నారు.
" ప్రస్తుతం దేశవ్యాప్తంగా వైరస్ బారిన పడి చికిత్స పొందుతున్న కేసుల సంఖ్య 149 తొమ్మిది. ఇప్పటి వరకు 20 మంది వైరస్ నుంచి కోలుకున్నారు. నలుగురు ప్రాణాలు కోల్పోయారు."
- కేంద్ర ఆరోగ్య శాఖ
రాష్ట్రాల వారిగా కేసుల వివరాలు
| రాష్ట్రం | కేసుల సంఖ్య | విదేశీయులు |
| మహారాష్ట్ర | 47 | 3 |
| కేరళ | 27 | 2 |
| యూపీ | 19 | 1 |
| హరియాణా | 17 | 14 |
| కర్ణాటక | 14 | 0 |
| దిల్లీ | 12 | 1 |
| లద్దాఖ్ | 8 | 0 |
| రాజస్థాన్ | 7 | 2 |
| తెలంగాణ | 6 | 2 |
జమ్ముకశ్మీర్-4, తమిళనాడు- 2, పంజాబ్-2 సహా ఆంధ్రప్రదేశ్, ఒడిశా, ఉత్తరాఖండ్, బంగాల్, పుదుచ్చేరి, చండీగఢ్ రాష్ట్రాల్లో ఒక్కో కేసు నమోదయ్యాయి.
