శ్రీజిత్ పాధి.. ఎకనామిక్స్లో పీజీ పట్టా పొందాడు. ప్రభుత్వ ఉద్యోగం కోసం ఎన్నో కలలు కన్నాడు. అందుకు తగ్గట్లుగానే సన్నద్ధమై.. ఒడిశా అడ్మినిస్ట్రేటివ్ సర్వీస్ (ఓఏఎస్) పరీక్షలో రెండు సార్లు ఉత్తీర్ణుడయ్యాడు. కానీ ఆయనను రెండు సార్లు విధి వక్రీకరించింది. ప్రాథమిక పరీక్షలో పాసైనప్పటికీ.. వైవా వాయిస్ రౌండ్లో విఫలమయ్యాడు.
ఉద్యోగం రాలేదని మానసికంగా కుంగిపోయాడు పాధి. చివరకు మతిస్థిమితం కోల్పోయి ఆధ్యాత్మిక క్షేత్రమైన పూరి నగరంలోని బడా దండ(గ్రాండ్ రోడ్) ప్రాంతంలో భిక్షాటన చేస్తున్నాడు. పూరిలో యాచిస్తూ తిరుగుతున్న శ్రీజిత్పై పలు మీడియా సంస్థలు కథనాలు వెలువరించాయి. విషయం తెలుసుకున్న అతని స్నేహితులు కటక్లోని ఆస్పత్రిలో చేర్పించారు.
ఉన్నత విద్యార్హతలున్న శ్రీజిత్ 1989లో రావెన్‌షా విశ్వవిద్యాలయం నుంచి ఎకనామిక్స్లో పీజీ పట్టా పొందాడు. ఆయన తండ్రి రైల్వే శాఖలో విధులు నిర్వర్తిస్తున్నారు.
నెల రోజుల క్రితం పూరిలోని బడా దండ రోడ్లోనే మరొక వ్యక్తి ఇదే విధంగా యాచిస్తు కనిపించాడు. ప్లాస్టిక్ ఇంజినీరింగ్లో డిప్లొమా చేసినట్లు తెలిసింది.
