'ఎన్​పీఆర్​కు పత్రాలు, బయోమెట్రిక్ అవసరం లేదు'

జాతీయ జనాభా పట్టిక సవరణకు ఎలాంటి పత్రాలు, బయోమెట్రిక్ తీసుకోబోమని కేంద్ర హోంశాఖ స్పష్టం చేసింది. సవరణ ప్రక్రియ కోసం ప్రత్యేక ప్రశ్నావళితో కూడిన ఫారాన్ని త్వరలో ఖరారు చేయనున్నట్లు తెలిపింది.

జాతీయ జనాభా పట్టిక (ఎన్​పీఆర్​)పై విపక్షాలు ఆందోళనలు చేస్తున్న నేపథ్యంలో కేంద్రం కీలక ప్రకటన చేసింది. పట్టిక సవరణకు ఎలాంటి పత్రాలతో పాటు బయోమెట్రిక్​ తీసుకోబోమని కేంద్ర హోంశాఖ స్పష్టం చేసింది.

ఎన్​పీఆర్​ ప్రక్రియ కోసం ప్రశ్నావళితో కూడిన ఫారాన్ని త్వరలో సిద్ధం చేస్తామని హోంశాఖ అధికారులు తెలిపారు. ఇందుకోసం ఎలాంటి ధ్రువపత్రాల సమర్పణ లేదా బయోమెట్రిక్​ అవసరం లేదని పేర్కొన్నారు.

డేటాబేస్​లో వివరాలు...

రిజిస్ట్రార్​ జనరల్​, జనాభా గణాంక కమిషనర్​ కార్యాలయ వెబ్​సైట్​లో ఎన్​పీఆర్​ డేటాబేస్​ కోసం భౌగోళిక, బయోమెట్రిక్ వివరాలు ఉంటాయని తెలిపారు.

ఎన్​పీఆర్​కు సంబంధించి కేరళ, బంగాల్​ రాష్ట్రాలు అయిష్టతను వ్యక్తం చేయగా.. చాలా రాష్ట్రాలు నిబంధనలను నోటిఫై చేశాయని మంత్రిత్వ శాఖ తెలిపింది.

రాష్ట్రాలతో సమావేశం

ఎన్​పీఆర్​ విషయమై రాష్ట్ర ప్రభుత్వాలతో కేంద్రం ఈ నెల 17న సమావేశం కానుంది. ఈ సమావేశానికి బంగాల్​ ముఖ్యమంత్రి మమతా బెనర్జీ హాజరు కానని ప్రకటించారు.

ఇదీ చూడండి: నిర్భయ దోషులకు దిల్లీ హైకోర్టులోనూ నిరాశే