ఉత్తమ విద్యాసంస్థల్లో ఐఐటీ- మద్రాస్ టాప్​

విభాగాల వారీగా ఉత్తమ విద్యాసంస్థల జాబితాను నేషనల్ ఇన్​స్టిట్యూషనల్ ర్యాంకింగ్ ఫ్రేమ్​వర్క్​ ప్రకటించింది. ఓవరాల్ కేటగిరీలో ఐఐటీ మద్రాస్, ఐఐఎస్​సీ బెంగళూరు, ఐఐటీ దిల్లీ తొలి మూడు స్థానాల్లో నిలిచాయి.

దేశంలోని ఉత్తమ విద్యాసంస్థల జాబితాను విడుదల చేసింది నేషనల్​ ఇన్​స్టిట్యూషనల్ ర్యాంకింగ్ ఫ్రేమ్​వర్క్​ (ఎన్​ఐఆర్​ఎఫ్). మానవ వనరుల మంత్రిత్వ శాఖకు అనుబంధంగా పనిచేసే ఎన్​ఐఆర్​ఎఫ్​ ర్యాంకింగ్స్​లో ఓవరాల్ కేటగిరీలో ఐఐటీ మద్రాస్, ఐఐఎస్​సీ బెంగళూరు, ఐఐటీ దిల్లీ తొలి మూడు స్థానాలు దక్కించుకున్నాయి.

యూనివర్సిటీల వారీగా..

వార్షిక ర్యాంకింగ్స్​ ప్రకారం ఐఐఎస్​సీ బెంగళూరు, జవహార్​లాల్​ నెహ్రూ విశ్వవిద్యాలయం (జేఎన్​యూ), బెనారస్ హిందూ విశ్వవిద్యాలయం మొదటి మూడు స్థానాల్లో ఉన్నాయి.

బిజినెస్​ స్కూల్స్​..

1. ఐఐఎం- అహ్మదాబాద్​
2. ఐఐఎం- బెంగళూరు
3. ఐఐఎం- కలకత్తా

కళాశాలల విభాగంలో

మిరండా కాలేజీ టాప్​ ర్యాంక్ సాధించిందని కేంద్ర మానవ వనరుల శాఖ మంత్రి రమేశ్ పొఖ్రియాల్​ ప్రకటించారు. తర్వాతి స్థానాల్లో లేడీ శ్రీరామ్​ కాలేజీ ఫర్ ఉమెన్​, సెయింట్ స్టీఫెన్​ కాలేజీ ఉన్నాయన్నారు.

ఇంజినీరింగ్ విభాగంలో..

1. ఐఐటీ- మద్రాస్
2. ఐఐటీ- దిల్లీ
3. ఐఐటీ- బాంబే

ఫార్మా విద్యాసంస్థల్లో..

1. జామియా హమ్​దర్ద్​- దిల్లీ
2. పంజాబ్​ విశ్వవిద్యాలయం- చంఢీగఢ్
3. నేషనల్ ఇనిస్టిట్యూట్ ఆఫ్ ఫార్మాస్యూటికల్ రీసెర్చ్- మొహాలీ

వైద్య కళాశాలలు..

1. ఎయిమ్స్- దిల్లీ
2. పీజీఐ- చంఢీగఢ్
3. సీఎంసీ- వెల్లూరు

విద్యాసంస్థల వార్షిక ర్యాంకింగ్​లను ఏటా ఏప్రిల్​లో ప్రకటిస్తారు. అయితే కరోనా కారణంగా ఇప్పటివరకు వాయిదా పడింది.

ఇదీ చూడండి: అత్యుత్తమ విద్యాలయాల జాబితాలో భారత్​కు చోటు