ఎగ్జిట్ పోల్స్ అంచనాలే నిజమవుతున్నాయి. దేశంలోని ప్రతి ఇంటి నుంచి మోదీ గాలి వీస్తుందని ప్రచార సభల్లో ప్రసంగించిన ప్రధాని నరేంద్ర మోదీ మాటలు వాస్తవమయ్యాయి. మరోసారి మోదీ ప్రభంజనంలో కాంగ్రెస్ సహా విపక్షాలు కొట్టుకుపోయాయి. కనీస పోటీని ఇవ్వలేకపోయాయి. ఇప్పటివరకు అడుగుపెట్టలేని బంగాల్లోనూ భాజపా మెరుగైన ప్రదర్శన కనబరుస్తోంది.
300 సీట్లుకుపైగా సాధిస్తామని ముందునుంచి చెప్పుకొస్తుంది ఎన్డీఏ. ఆశించినట్లుగానే విజయపథాన దూసుకుపోతోంది.
భాజపాకు ఆయువుపట్టుగా ఉన్న ఉత్తరప్రదేశ్, బిహార్, రాజస్థాన్, మధ్యప్రదేశ్, గుజరాత్ రాష్ట్రాల్లో గత ఎన్నికల్లో సాధించిన ఫలితాలను భాజపా పునరావృతం చేస్తోంది. ఊహించని రీతిలో బంగాల్, ఒడిశాలోనూ మెరుగైన ప్రదర్శన చేస్తోంది కాషాయదళం. దిల్లీలో కాషాయ పార్టీ ముందు ఆమ్ఆద్మీ తేలిపోయింది.
ఫలితాల సరళిని పరిశీలిస్తే ఎన్డీఏ 300కుపైగా సీట్లు సాధించడం అనివార్యంగా కనిపిస్తోంది. ఈ ఫలితాలతో మోదీకి సరితూగే నాయకుడు ప్రతిపక్షంలో లేరన్న విషయం తేటతెల్లమైంది.
3 రాష్ట్రాలు ముంచేశాయి...
భాజపాకు ప్రత్యామ్నాయం తామేనని ప్రజల్లో విశ్వాసం కల్పించడంలో కాంగ్రెస్ అధ్యక్షుడు రాహుల్ గాంధీ విఫలమైనట్లు ఫలితాలు చెబుతున్నాయి. మధ్యప్రదేశ్, రాజస్థాన్, ఛత్తీస్గఢ్ మూడు రాష్ట్రాల్లో కొత్తగా ఏర్పడిన కాంగ్రెస్ ప్రభుత్వాలు ప్రజల నమ్మకాన్ని పొందలేకపోయాయి.
ఇదీ చూడండి: కీలక రాష్ట్రాల్లో భాజపా విజయబావుటా..!
