రాజకీయ ఎజెండా కోసం దర్యాప్తు సంస్థలను కేంద్ర ప్రభుత్వం వాడుకుంటోందని ఆరోపించారు అగస్టా వెస్ట్లాండ్ వీవీఐపీ హెలికాప్టర్ల ఒప్పందం మధ్యవర్తి క్రిస్టియన్ మిషెల్. అగస్టా వెస్ట్లాండ్ కేసు విచారణ సమయంలో ఈడీకి తాను ఎవరి పేర్లు చెప్పలేదని ఆయన దిల్లీ కోర్టుకు విన్నవించారు.
విచారణ సమయంలో కాంగ్రెస్ నేతల పేర్లను మిషెల్ చెప్పారని మీడియాలో వార్తలొచ్చాయి. వీటిని ఖండిస్తూ దిల్లీ కోర్టును ఆశ్రయించారు మిషెల్. విచారణ సందర్భంగా మిషెల్పై అదనపు అభియోగపత్రాన్ని దాఖలు చేసింది ఈడీ.
అభియోగ పత్రం కాపీని ముందుగా మిషెల్‌కు కాకుండా మీడియాకు ఈడీ ఇచ్చిందని ఆరోపించారు ఆయన తరఫు న్యాయవాది అల్జో కె.జోసఫ్. మిషెల్ ఎవరి పేర్లనూ చెప్పలేదన్నారు. అభియోగ పత్రాన్ని కోర్టు విచారణకు స్వీకరించడానికి ముందే మీడియా చేతికి ఏ విధంగా వెళ్లిందని ప్రశ్నించారు. ఈ కేసు తదుపరి విచారణ శనివారం జరగనుంది.
రక్షణ ఒప్పందానికి సంబంధించి మిషెల్తో పాటు మరికొంత మందికి 42 మిలియన్ యూరోలు ముడుపులుగా అందాయని కోర్టుకు ఈడీ గురువారం తెలిపింది.
