దేశవ్యాప్తంగా సంచలనం సృష్టించిన బిహార్ ముజఫర్పుర్ ఆశ్రమ బాలికల కేసులో శిక్ష అనుభవిస్తున్న ఓ దోషి మరణించిన ఘటన ఆలస్యంగా వెలుగులోకి వచ్చింది. తిహార్ జైలులో ఉన్న రామనుజ్ ఠాకుర్ అనే వ్యక్తి డిసెంబర్ 3న మూడో నంబర్ జైలులో ప్రాణాలు కోల్పోయాడు. అయితే.. అతని వయస్సు 70 దాటిందని, సహజ మరణమేనని జైలు అధికారులు తెలిపారు. ఎలాంటి అనుమానాస్పద అంశాలు కనిపించలేదని.. పోస్టుమార్టం తర్వాత కుటుంబ సభ్యులకు అప్పగించినట్లు చెప్పారు.
ముజఫర్పుర్ ఆశ్రమ బాలికల కేసులో 21 మందికి శిక్ష ఖరారు చేసింది దిల్లీ కోర్టు. అందులో ప్రధాన దోషి బ్రిజేష్ ఠాకుర్. అతని మామ రామనుజ్ ఠాకుర్ కూడా అరెస్టయ్యాడు. ఈ కేసులో దోషిగా తేలటం వల్ల తిహార్ జైలుకు 2019, ఫిబ్రవరి 23న తరలించారు. బాలికలపై అత్యాచారానికి పాల్పడటం వంటి తీవ్ర నేరాల కింద రామనుజ్ ఠాకుర్కు శిక్ష పడింది. అతనికి 2020, ఫిబ్రవరి 11న జీవిత ఖైదు, అలాగే రూ.60 వేల జరిమానా విధించింది దిల్లీ కోర్టు.
సమస్తిపుర్కు చెందిన రామనుజ్ ఠాకుర్.. ముజఫర్పుర్లో ఉంటూ బాలికల ఆశ్రమ బాధ్యతలు చూసుకుంటుండేవాడు. ఈ క్రమంలోనే నేరాలకు పాల్పడినట్లు తేలింది.
ఇదీ చూడండి: ముజఫర్పుర్ కేసు: బ్రజేష్ఠాకుర్ సహా 12 మందికి జీవిత ఖైదు
