గ్రహణంపై మోదీ ట్వీట్​- 'మీమ్​ ఆర్టిస్ట్'​కు అదిరే పంచ్​

దేశంలో వివిధ ప్రాంతాల్లో ఏర్పడిన సూర్యగ్రహణాన్ని ప్రత్యక్ష ప్రసారాల ద్వారా ప్రధాని నరేంద్రమోదీ వీక్షించారు. ఇందుకు సంబంధించిన చిత్రాలను ట్విట్టర్​ ద్వారా పంచుకున్నారు మోదీ.

అత్యంత అరుదైన సూర్యగ్రహణాన్ని ప్రధాని నరేంద్రమోదీ ఆసక్తిగా తిలకించారు. దిల్లీలో మేఘాలు అడ్డుగా ఉన్న కారణంగా నేరుగా చూడలేకపోయినట్లు ట్వీట్ చేశారు. కేరళ కోజికోడ్​లో​ గ్రహణాన్ని ప్రత్యక్ష ప్రసారం ద్వారా చూసినట్లు వెల్లడించారు మోదీ.

ట్వీట్

"చాలా మంది భారతీయులలాగా నాకూ సూర్యగ్రహణం ఎంతో ఆసక్తిని కలిగించింది. దురదృష్టవశాత్తూ మేఘాలు అడ్డుగా ఉన్న కారణంగా దిల్లీలో ప్రత్యక్షంగా చూడలేకపోయాను. కానీ కోజికోడ్​తో పాటు ఇతర ప్రాంతాల్లో ఏర్పడిన సూర్యగ్రహణాన్ని ప్రత్యక్ష ప్రసారాల ద్వారా వీక్షించాను. నిపుణులతో కాసేపు ముచ్చటించి ఈ విషయంపై మరింత సమాచారం తెలుసుకున్నాను."

- నరేంద్రమోదీ, ప్రధానమంత్రి

సూర్య గ్రహణాన్ని వీక్షించిన ప్రధాని మోదీ

నిపుణులతో..

ప్రధాని ట్వీట్​పై స్పందించిన ఓ వ్యక్తి.. ఈ ఫొటోలను మీమ్స్​గా వాడుతున్నానని చెప్పాడు. ఇందుకు మోదీ ప్రతిస్పందిస్తూ.. చాలా సంతోషంగా, నిరభ్యంతరంగా వాడుకోవచ్చంటూ రిప్లై ఇచ్చారు.

మోదీ రీట్వీట్