తనను గద్దెదించి వారసత్వ రాజకీయాలను ప్రోత్సహించడమే ప్రతిపక్షాల అజెండా అని ప్రధానమంత్రి నరేంద్ర మోదీ ఆరోపించారు. ఉత్తరప్రదేశ్లోని సహారన్పుర్ ఎన్నికల ప్రచారంలో పాల్గొన్న మోదీ... వెనకబడిన వర్గాల అభివృద్ధిని కాంగ్రెస్ పార్టీ అడ్డుకుందని విమర్శించారు. హస్తం పార్టీ మేనిఫెస్టో ఓ పనికిరాని పత్రం అని అభివర్ణించారు.
దేశాన్ని ముక్కలు చేయడమే ప్రతిపక్షాల ధ్యేయమని మోదీ ఆరోపించారు.
"గుర్తుపెట్టుకోండి... వాళ్లు దేశాన్ని ముక్కలు చేసే వ్యక్తులు... మేము ఆడపిల్లలను గౌరవించే వ్యక్తులం. ఏ కాంగ్రెస్ నాయకుడైతే అంబేడ్కర్ను కించపరిచారో... అదే నేత ఇప్పుడు ఈ చౌకీదార్ను 'శౌచాలయ' చౌకీదార్ అంటున్నారు. ఇది నన్ను అగౌరపరిచే మాట అని మీరు అనుకోవచ్చు. కానీ నాకు మాత్రం ఇదొక గొప్ప గౌరవం."
-నరేంద్ర మోదీ, ప్రధానమంత్రి.
ఎస్పీ, బీఎస్పీపైనా ప్రధాని విమర్శలు చేశారు. సహారన్పుర్ ప్రజలు విపక్షాల ఓటు బ్యాంకు రాజకీయాలను తిరస్కరిస్తారని జోస్యం చెప్పారు. కుంభమేళాలో పారిశుద్ధ్య కార్మికుల కాళ్లు కడిగినప్పుడు మాయవతి తనను ఎద్దేవా చేశారని... కానీ కార్మికులను కాంగ్రెస్ పార్టీ అగౌరపరచినప్పుడు మౌనంగా ఉన్నారని మోదీ విమర్శించారు.
ఇదీ చూడండి: నాకు ఎప్పుడో పెళ్లైపోయింది: రాహుల్ గాంధీ
