భారత్​ భేరి: 8వ అడుగు ఓటు వైపు!

సాధారణంగా పెళ్లిలో ఏడు ప్రమాణాలతో ఏడడుగులు వేస్తారు వధూవరులు. ఉత్తరప్రదేశ్​లో కొన్ని జంటలు ఎనిమిదో ప్రమాణంగా ఓటు హక్కు వినియోగించుకుంటామని ప్రమాణం చేశాయి.

ఓటు హక్కును బాధ్యతగా స్వీకరిస్తామని నూతన వధూవరులు అగ్నిసాక్షిగా ప్రమాణం చేశారు. మూడు ముళ్ల బంధంతో ఏకమైన కొత్త జంటలు.. ఓటుపై అందరికీ అవగాహన కల్పించేందుకు కృషి చేస్తామని వాగ్దానం చేశాయి. ఉత్తరప్రదేశ్ కాన్పూర్​లో ఆదివాసీ కల్యాణ్ సంఘ్ ఆధ్వర్యంలో జరిగిన సామూహిక వివాహాలు ఇందుకు వేదికయ్యాయి.

" ప్రజాస్వామ్యంలో కీలకమైన ఎన్నికల్లో భాగంగా ఏప్రిల్ 29న ఓటు హక్కు అందరూ వినియోగించుకోవాలి. ఇందులో భాగంగా మేం ప్రమాణం చేస్తున్నాం. ముందు ఓటు.. ఆ తర్వాతే అన్నపానీయాలు. వివాహ వేడుకల్లో 7 ప్రమాణాలు ఉంటాయి. ఎనిమిదో ప్రమాణం ఓటు వినియోగమే."
-ఆదివాసీ సంక్షేమ సంఘం ప్రతినిధి

వధూవరులకు కానుకలను కూడా అందజేశారు నిర్వాహకులు. ప్రతి ఒక్కరికీ మంచాలు, బీరువాలు, పాత్రలు బహూకరించారు.

ఇవీ చూడండి: