మాస్కులను ధరించడం, భౌతిక దూరం నియమాన్ని పాటించడం వల్ల.. దేశంలో డిసెంబర్ 1 నాటికి 2లక్షల ప్రాణాలను కాపాడవచ్చని ఓ అధ్యయనం అంచనా వేసింది. కరోనా వైరస్ వల్ల దేశంలోని ప్రజా ఆరోగ్య వ్యవస్థకు తీవ్ర ముప్పు పొంచి ఉందని హెచ్చరించింది.
అమెరికా వాషింగ్టన్ విశ్వవిద్యాలయంలోని ఇన్స్టిట్యూట్ ఫర్ హెల్త్ మెట్రిక్స్ అండ్ ఎవాల్యువేషన్(ఐహెచ్ఎమ్ఈ) ఈ అధ్యయనం చేసింది. కరోనా మరణాలను మరింత నియంత్రించే అవకాశం భారత్కు ఉందని అభిప్రాయపడింది.
"భారత్ను కరోనా వైరస్ ముప్పు ఇప్పట్లో వీడదు. ఇంకా అనేక మందికి వైరస్ సోకే ప్రమాదం ఉంది. ప్రభుత్వం, ప్రజలు తీసుకునే జాగ్రత్తలపైనే దేశంలో కరోనా ప్రభావం ఆధారపడి ఉంటుంది. మాస్కులు ధరించడం, భౌతిక దూరం పాటించడం వంటివి కరోనా వ్యాప్తిని నియంత్రించడంలో కీలకం."
--- క్రిస్టఫర్ ముర్రే, ఐహెచ్ఎమ్ఈ డైరక్టర్.
95శాతం మంది మాస్కులు ధరించడం, ప్రతి 10 లక్షలమంది జనాభాలో రోజువారీ మరణాలు 8కి మించిన రాష్ట్రాల్లో లాక్డౌన్ విధించడం వంటి చర్యలు చేపడితే.. డిసెంబర్ 1 నాటికి భారత్లో 2,91,145మంది కరోనాతో మరణిస్తారని ఐహెచ్ఎమ్ఎల్ మోడలింగ్ స్టడీ వెల్లడించింది.
అయితే ఆంక్షలను సడలిస్తూ.. మాస్కులు ధరించే వారి సంఖ్య ఇప్పుడున్నట్టుగానే కొనసాగితే.. డిసెంబర్ 1 నాటికి దేశంలో 4,92,380మంది కరోనాకు బలవుతారని లెక్కగట్టింది ఐహెచ్ఎమ్ఈ.
దేశంలో కేసుల సంఖ్య 36,91,166కు చేరింది. ఇప్పటివరకు 65,288మంది కరోనాకు బలయ్యారు.
ఇదీ చూడండి:- 'కరోనా తీవ్రతలో ఆసియాలోనే అగ్రస్థానాన భారత్'
