కేరళలో కరోనా అనుమానితుడు మృతి

కేరళలో కరోనా లక్షణాలతో ఓ వ్యక్తి మరణించినట్లు అధికారులు వెల్లడించారు. లారీ డ్రైవర్ అయిన అతను ఇటివలే ముంబయి నుంచి రాగా.. కరోనా సోకిందేమోనన్న అనుమానంతో గృహ నిర్బంధంలో ఉంచారు అధికారులు.

కేరళ కొట్టాయం​లో కరోనా పరిశీలనలో ఉన్న 41 ఏళ్ల వ్యక్తి మరణించినట్లు ఆ రాష్ట్ర యంత్రాంగం ప్రకటించింది. సదరు వ్యక్తి స్వతహాగా లారీ డ్రైవర్​. ఈనెల 18న ముంబయి నుంచి వచ్చినట్లు గుర్తించిన అధికారులు కుమారాకోంలో నిర్బంధించారు.

అయితే ఇవాళ తన ఇంట్లో అకస్మారక స్థితిలో పడి ఉన్న డ్రైవర్​.. మృతి చెందనట్లు ధ్రువీకరించారు. మృత దేహాన్ని ప్రభుత్వ ఆసుపత్రికి తరలించినట్లు పేర్కొన్నారు.

ఇదీ చూడండి:కరోనా కట్టడికి ముఖ్యమంత్రులు, గవర్నర్లతో మోదీ భేటీ