మధ్యప్రదేశ్: భవనం కూలిన ఘటనలో ఇద్దరు మృతి

మధ్యప్రదేశ్​లో మంగళవారం రెండంతస్తుల భవనం కూలిన ఘటనలో ఇద్దరు మృతి చెందారు. మరో 16 మందిని సహాయక సిబ్బంది రక్షించారు. సహాయక చర్యలు ఇంకా కొనసాగుతున్నాయి.

మధ్యప్రదేశ్​- దేవాస్​లో మంగళవారం సాయంత్రం రెండంతస్తుల భవనం కూలిన ఘటనలో ఇద్దరు మరణించారు. మరో 16 మందిని సహాయక సిబ్బంది కాపాడారు. గాయపడిన వారిని ఆస్పత్రికి తరలించారు.

లాల్​ గేట్​ సమీపంలో గల స్టేషన్​ రోడ్డు వద్ద సంభవించిన ఈ ప్రమాదంలో ఇంకా దాదాపు 12 మందికిపైగా శిథిలాల్లో చిక్కుకున్నారని అధికారిక వర్గాలు వెల్లడించాయి. సహాయక చర్యలు కొనసాగుతున్నాయి.

రెండు మూడు రోజులుగా ఎడతెరపిలేకుండా కురుస్తోన్న వర్షాల వల్లే భవనం కూలి ఉండొచ్చని అధికారులు అభిప్రాయపడ్డారు.

ఇదీ చదవండి: 'మహా' భవనం కూలిన ఘటనలో 16కు చేరిన మృతులు