వినియోగదారుల రక్షణ బిల్లు-2019ను లోక్సభ ఆమోదించింది. కేంద్ర వినియోగదారుల రక్షణ ప్రాధికార సంస్థ (సీసీపీఏ) ఏర్పాటు ద్వారా వినియోగదారుల హక్కులను సంరక్షించేందుకు ప్రభుత్వం ఈ బిల్లును రూపొందించింది.
ఈ బిల్లు చట్టంగా మారితే ఫిర్యాదు అందిన వెంటనే తక్షణ చర్యలు తీసుకునేలా ఏర్పాట్లు ఉంటాయని కేంద్ర ఆహార, వినియోగదారుల వ్యవహారాల శాఖ మంత్రి రామ్ విలాస్ పాసవాన్ తెలిపారు.
"ఫిర్యాదు అందిన వెంటనే చర్యలు ఉంటాయి. వ్యక్తిగతంగానే కాకుండా ఒక బృందంగా కూడా ఇక నుంచి ఫిర్యాదు చేయొచ్చు. వినియోగదారుల సమస్యలను సులభతరంగా పరిష్కరించుకునేందుకు ఈ బిల్లు దోహదపడుతుంది."
- రామ్విలాస్ పాసవాన్, కేంద్రమంత్రి
వినియోగదారలు రక్షణ చట్టం-1986 స్థానంలో దీనిని ప్రవేశపెట్టనున్నారు. ఈ బిల్లును జులై 8న లోక్సభలో ప్రవేశపెట్టారు. 2018లోనే ఈ బిల్లుకు లోక్సభ ఆమోదం తెలిపింది. అయితే రాజ్యసభలో పెండింగ్ ఉన్న ఈ బిల్లుకు గడువు పూర్తయిన నేపథ్యంలో మళ్లీ ప్రక్రియను పునఃప్రారంభించారు.
ఇదీ చూడండి: జాతీయ వైద్య కమిషన్ బిల్లుకు లోక్సభ ఆమోదం
