భారత్, చైనా మధ్య నెలకొన్న సరిహద్దు ప్రతిష్టంభనపై దౌత్యపరమైన చర్చలను పునరుద్ధరించాయి ఇరు దేశాలు. తూర్పు లద్దాఖ్లోని వాస్తవాధీన రేఖ వెంబడి అన్ని ఘర్షణాత్మక ప్రాంతాల నుంచి సత్వరం బలగాల ఉపసంహరణ చర్యలు చేపట్టేలా చర్యలు కొనసాగించాలని ఇరు దేశాలు నిర్ణయం తీసుకున్నాయి.
భారత్-చైనా సరిహద్దు వ్యవహారాలపై 'వర్కింగ్ మెకానిజం ఫర్ కన్సల్టేషన్ అండ్ కోఆర్డినేషన్' (డబ్ల్యూఎంసీసీ) పద్ధతిలో ఇరు దేశాల మధ్య శుక్రవారం వర్చువల్గా చర్చలు జరిగాయి.
" తదుపరి మిలిటరీ స్థాయి సమావేశం అనుకున్న దానికంటే ముందుగానే నిర్వహించాలని రెండు దేశాలు అంగీకరించాయి. ఈ సైనిక స్థాయి సమావేశం ద్వారా.. ద్వైపాక్షిక ఒప్పందాలు, నియమాలను అనుసరించి సత్వర, సంపూర్ణ బలగాల ఉపసంహరణ దిశగా వీలైనంత వేగంగా కృషి చేయొచ్చు. సెప్టెంబర్ 30న జరిగిన డబ్ల్యూఎంసీసీ సమావేశం తర్వాత ఎల్ఏసీ వెంబడి పరిస్థితులపై ఇరు దేశాలు సమీక్షించాయి. "
- భారత విదేశాంగ శాఖ
ఇదీ చూడండి:'మరో దఫా చర్చలతోనే చైనాతో వివాదం పరిష్కారం'
