ఆర్డర్​ చేస్తే నిమిషాల్లో 'అమ్మ చేతి వంట' ప్రత్యక్షం

లాక్​డౌన్ కారణంగా ఇళ్లకే పరిమితమయ్యారు జనం. హోటల్​ రుచులకు అలవాటు పడిన ప్రాణం అటువైపే లాగుతున్నా తప్పని పరిస్థితుల్లో ఇంట్లో వండిందే తింటున్నారు. అయితే, ఇకపై నోరు కట్టుకోనవసరం లేదంటున్నారు కేరళ కుడుంబశ్రీ ఫుడ్​ కోర్ట్​ వారు. కొత్తగా ప్రారంభించిన తమ అన్నశ్రీ యాప్​లో.. కొవిడ్ భయం లేకుండా ఆర్డర్​ కొట్టమంటున్నారు. నిమిషాల్లో ఆహారంతో 'ఫుడ్​ డెలివరీ గర్ల్స్​' మీ ఇంటి ముందుంటారు అంటున్నారు.

ఇప్పటివరకు ఫుడ్ డెలివరీ బాయ్స్​ చేరవేసిన ఆహారాన్ని దాదాపు అందరం రుచి చూసే ఉంటాం. కానీ, ఇంటిల్లిపాదికి ఒంటి చేత్తో వడ్డించేది వనితలు.. మరి హోటల్​లో వండలేరా..? టంఛనుగా ఫుడ్​ డెలివరీ చేయలేరా? అందుకే, మహిళలే కీలక పాత్ర పోషించేలా 'అన్నశ్రీ ఫుడ్ డెలివరీ యాప్​'ను రూపొందించారు 'కేరళ కుడుంబశ్రీ ఫుడ్​కోర్ట్స్'​ వారు.

త్రిస్సూర్​లో కుడుంబశ్రీ ఫుడ్​ కోర్ట్స్​ మహా ఫేమస్​. కుడుంబశ్రీ సంస్థ మహిళల అభ్యుదయానికి పెద్దపీట వేస్తోంది. మహిళలు మాత్రమే నిర్వహించే కొన్ని హోటళ్లను వీరు ప్రారంభించారు. ఇప్పుడు అన్నశ్రీ యాప్​ను ప్రవేశపెట్టారు. ఈ యాప్​ను కుడుంబశ్రీతో కలిసి పనిచేస్తున్న స్వయం సహాయక బృందాల మహిళలు నడపడం విశేషం.

ఇక ఆర్డర్​ చేస్తే ఆహారం ఇంటికి తెస్తారు

ఇక ఆర్డర్​ చేస్తే ఆహారం ఇంటికి తెస్తారు

మొదట ఈ యాప్​లో ఆర్డర్​ చేసుకున్నవారికి త్రిస్సూర్​లోని 3 కుడుంబశ్రీ మహిళా ఫుడ్​ కోర్ట్​ల నుంచి .. ఫుడ్​ డెలివరీ చేస్తారు మహిళలు. ఈ యాప్​లో మధ్యాహ్న భోజనం, మినీ కేరళ సాధ్యా, కాంబో మీల్స్​, వెజ్​, నాన్​ వెజ్​ అబ్బో ఒక్కటేమిటి.. ఏది ఆర్డర్​ చేసినా ఇట్టే ఇంటికి పట్టుకొచ్చేస్తారు ఈ ఫుడ్​ డెలివరీ గర్ల్స్​..

రుచికరమైన భోజనం

పైగా ఈ మహిళలు ఆరోగ్యకరమైన వంటకాల తయారీలో ప్రత్యేక శిక్షణ పొందారు. అంతే కాదు కొవిడ్-19 జాగ్రత్తలూ తు.చ తప్పకుండా పాటిస్తారు. కాబట్టి భయం లేకుండా ఆర్డర్​ చేయాలని పిలుపునిస్తున్నారు.

జాగ్రత్తలతో వంట తయారీ

భోజనం తయార్

ఇదీ చదవండి:పొట్టకూటి కోసం బుట్టలు అల్లుతున్న లాయర్​!