కేరళలో కరోనా వైరస్ తీవ్రరూపం దాల్చుతోంది. గురువారం ఒక్కరోజే 6,324 కొత్త కేసులు నమోదయ్యాయి. ఇప్పటివరకు ఒక్కరోజు కేసుల్లో ఇవే అత్యధికం. మొత్తం కేసులు లక్షా 53 వేల 456కు చేరుకున్నాయి. రాష్ట్రంలో ఇప్పటివరకు 613 మంది కొవిడ్కు బలయ్యారు.
మహారాష్ట్రలో గురువారం ఒక్కరోజే 19 వేల 164 కొత్త కేసులు నమోదయ్యాయి. రాష్ట్రంలో ఇప్పటివరకు 12 లక్షల 82 వేల 963 మంది వైరస్ బారినపడ్డారు.
మరో 459 మంది చనిపోగా.. మొత్తం మరణాల సంఖ్య 34 వేల 345కు చేరింది.
- కర్ణాటకలో మరో 7,710 మంది కరోనా బారినపడ్డారు. కొత్తగా 65 మరణాలతో.. మొత్తం మృతుల సంఖ్య 8,331కి చేరింది. కేసులు 5.48 లక్షలు దాటాయి.
- బంగాల్లో 3,196 కొత్త కేసులు బయటపడ్డాయి. మరో 62 మంది ప్రాణాలు కోల్పోయారు.
- తమిళనాడులో ఇవాళ 5,692 కేసులు... 66 మరణాలు నమోదయ్యాయి.
