భారత్లో కొవిడ్ విస్తరణ కొనసాగుతోంది. మహారాష్ట్రలో కేసుల సంఖ్య కాస్త తగ్గినట్లు కనిపిస్తోంది. తాజాగా 15,591 మంది కొవిడ్ బారినపడగా.. 424 మంది ప్రాణాలు కోల్పోయారు. ఫలితంగా మొత్తం కేసుల సంఖ్య 14 లక్షల 16 వేలు దాటింది.
కరోనా ఉగ్రరూపం
కేరళలో కరోనా విలయతాండవం చేస్తోంది. కొత్తగా 9,258 మందికి కరోనా పాజిటివ్గా తేలింది. దీంతో మొత్తం కేసుల సంఖ్య 2 లక్షల 12 వేల 499కు చేరింది. తాజాగా మరో 20 మంది కరోనాతో ప్రాణాలు కోల్పోయారు.
- కర్ణాటకలో ఒక్కరోజే 8,793 మంది కరోనా బారిన పడ్డారు. మరో 125 మంది మహమ్మారికి బలయ్యారు.
- తమిళనాడులో కొత్తగా 5,500 కేసులు వెలుగుచూశాయి. మరో 67మంది మరణించారు.
- ఉత్తర్ప్రదేశ్లో ఒక్కరోజే 3,946 మందికి వైరస్ సోకగా.. మరో 54 మంది మరణించారు. రాష్ట్రంలో మొత్తం కొవిడ్ బాధితుల సంఖ్య 4 లక్షల 7 వేలకు చేరువైంది.
- బంగాల్లో కొత్తగా 3,310 మందికి పాజిటివ్గా తేలగా.. మరో 53 మంది మృతి చెందారు.
- దిల్లీలో తాజాగా 2,920 మంది వైరస్ బారిన పడగా... 37 మందిని కొవిడ్ బలిగొంది.
ఇదీ చూడండి: 'ఆత్మనిర్భర్ భారత్లో ప్రపంచ సంక్షేమమూ భాగమే'
