కేరళలో ఓ ఐదో తరగతి విద్యార్థిని యోగాలో ప్రపంచ రికార్డు నెలకొల్పింది. 3 నిమిషాల వ్యవధిలో 53 రకాల భంగిమలు ప్రదర్శించి.. అమెరికా గోల్డెన్ బుక్ ఆఫ్ వరల్డ్ రికార్డ్స్లో చోటు దక్కించుకుంది అభిజ్ఞ. గూగుల్ మీట్ వేదికగా జరిగిన ఈ కార్యక్రమంలో.. గత రికార్డు(3నిముషాల్లో 34 ఆసనాలు)ను తిరగరాసిందీ చిన్నారి.
అభిజ్ఞ గతంలోనూ.. మదికేరీ(కర్ణాటక), పుదుచ్చేరిల్లో నిర్వహించిన జాతీయ స్థాయి యోగా పోటీలలో బంగారు పతకాలు కైవసం చేసుకుంది.
భరతనాట్యంలోనూ..
తన నాలుగేళ్ల ప్రాయం నుంచే తల్లి తేజా కుమారి వద్ద యోగా నేర్చుకోవడం ప్రారంభించిందట అభిజ్ఞ. ప్రస్తుతం ఈ చిన్నారి.. భారత విద్యాభవన్కు చెందిన వెంకటేశ విద్యాలయంలో శిక్షణ పొందుతోంది. నృత్య విభాగంలో ప్రత్యేక తర్ఫీదు పొందుతున్న ఈ బాలిక.. భరతనాట్యంలోనూ ఆరితేరింది. అంతేకాకుండా నాగిణి నృత్యంలోనూ అభిజ్ఞ వినూత్న ప్రదర్శనలతో అదరగొడుతోంది.
ఇదీ చదవండి: నిమిషంలో 35 యోగాసనాలు- చిన్నారి ప్రపంచ రికార్డు
