దేశంలో కరోనా మహమ్మారి బారిన పడుతున్న ఎమ్మెల్యేలు, మంత్రులు, రాజకీయ నేతల సంఖ్య పెరుగుతోంది. తాజాగా కేరళ వ్యవసాయ శాఖ మంత్రి వీఎస్ సునీల్ కుమార్కు కొవిడ్-19 పాజిటివ్గా తేలింది. ఆయనతో పాటు గన్మెన్కు కూడా వైరస్ సోకింది. మంత్రితో పాటు ఆయన సిబ్బందిని స్వీయ నిర్బంధంలోకి వెళ్లాలని సూచించారు వైద్యులు.
కేరళలో కేబినెట్లో వైరస్ బారిన పడిన మూడో మంత్రి సునీల్ కుమార్. అంతకు ముందు పరిశ్రమలు, క్రీడల శాఖ మంత్రి ఈపీ జయరాజన్, ఆర్థిక మంత్రి థామస్ ఇసాక్కు వైరస్ సోకింది.
ముఖ్యమంత్రి భార్యకు కరోనా..
సిక్కిం ముఖ్యమంత్రి ప్రేమ్ సింగ్ తమాంగ్ భార్య క్రిష్ణరాయ్తో పాటు ఆమె కుటుంబ సభ్యుల్లో పలువురికి కరోనా పాజిటివ్గా నిర్ధరణ అయింది. ఈ మేరకు తన ఫేస్బుక్ పేజీ ద్వారా వెల్లడించారు రాయ్. తనను కలిసిన వారంతా పరీక్షలు చేసుకోవాలని, హోంక్వారంటైన్లో ఉండాలని కోరారు.
ఆస్పత్రిలో చేరిన దిల్లీ ఉప ముఖ్యమంత్రి..
కరోనా బారిన పడిన దిల్లీ ఉపముఖ్యమంత్రి మనీశ్ సిసోడియాకు ఆరోగ్య సమస్యలు తీవ్రమయ్యాయి. ఇప్పటివరకు హోం ఐసొలేషన్లో ఉన్న ఆయన... బుధవారం ఎల్ఎన్జేపీ ఆసుపత్రిలో చేరారు.
ఇదీ చూడండి: 'రైతులకు ప్రయోజనంలేని 'ఎంఎస్పీ'లు ఎందుకు?'
