కశ్మీర్కు చెందిన ఇండో అమెరికన్ ప్రొఫెసర్ ముబారక్ ఉస్సేన్ సయ్యద్ ప్రతిష్ఠాత్మక కెరీర్ అవార్డ్ను కైవసం చేసుకున్నారు. మెదడు పనితీరుపై చేసిన ప్రయోగానికి గాను ఈ అవార్డును యూఎస్ నేషనల్ సైన్స్ ఫౌండేషన్ ప్రదానం చేసింది. ఇందులో భాగంగా ఐదేళ్ల కాలానికి రూ.13 కోట్ల 16 లక్షల ఫెలోషిప్ను అందించనున్నారు. అమెరికా న్యూ మెక్సికో యూనివర్సిటీ న్యూరాలజీ విభాగంలో ప్రొఫెసర్గా సయ్యద్ పనిచేస్తున్నారు.
మెదడు అభివృద్ధి, పనిచేసే విధానంలో పరిశోధన చేయడానికి ఈ బహుమతి ఆయనకు ఉపయోగపడనుంది. కశ్మీర్లోని బుద్గాం జిల్లాకు చెందిన సయ్యద్ స్థానికంగానే విద్యనభ్యసించారు. జర్మనీలో పీహెచ్డీ పూర్తి చేశారు.
ఈ బహుమతి సాధించడంపై సయ్యద్ కుటుంబీకులు సంతోషం వ్యక్తం చేశారు. స్థానిక యువత తమ కలలను సాకారం చేసుకునే దిశలో ఈ విజయం స్ఫూర్తినిస్తుందని అన్నారు.
ఇదీ చదవండి:బైడెన్ బృందంలో మరో భారత సంతతి మహిళకు చోటు
