అక్కడి బిర్యానీ రుచి కోసం కిలోమీటర్ల మేర బారులు

కర్ణాటకలోని ఓ బిర్యానీ సెంటర్​ ముందు ప్రజలు బారులు తీరుతున్నారు. గంటల తరబడి లైన్లలో నిల్చొని బిర్యానీ కొనుక్కొని వెళ్తున్నారు. మరి ఈ బిర్యానీ ప్రత్యేకత ఏంటి?

కర్ణాటకలోని హోసకోటె ప్రాంతంలో బిర్యానీ కోసం జనం ఎగబడుతున్నారు. రుచికరమైన బిర్యానీని ఆస్వాదించేందుకు భారీ 'క్యూ'ను సైతం లెక్కచేయకుండా గంటల తరబడి ఎదురు చూస్తున్నారు. సూర్యోదయం కాక ముందే ఈ బిర్యానీ సెంటర్​ ముందు వాలిపోతున్నారు.

భారీ పాత్రలో బిర్యానీ

"ఉదయం నాలుగు గంటలకు ఇక్కడికి వచ్చాను. ఆరున్నరకు బిర్యానీ దొరికింది. దాదాపు 1.5 కి.మీ. మేర లైన్ ఉంది. ఈ బిర్యానీ చాలా రుచికరంగా ఉంటుంది."

- ఓ కస్టమర్​

బారులు తీరిన జనం

ఈ బిర్యానీ స్టాల్​ను 22 ఏళ్ల క్రితం ప్రారంభించినట్లు యజమాని చెప్పుకొచ్చారు. రోజుకు వెయ్యి కిలోల బిర్యానీని విక్రయిస్తున్నట్లు తెలిపారు. బిర్యానీలో ఎలాంటి ప్రిజర్వేటివ్స్​ను కలపడం లేదని అంటున్నారు.

బిర్యానీ వడ్డిస్తున్న సిబ్బంది

ఇదీ చదవండి- భార్యను ఆసుపత్రికి తీసుకెళ్లడానికి 80కి.మీ రిక్షా తొక్కాడు!