అఖిల భారత కాంగ్రెస్ కమిటీ(ఏఐసీసీ) ప్రధాన కార్యదర్శి పదవికి జ్యోతిరాదిత్య సింధియా రాజీనామా చేశారు. సార్వత్రిక ఎన్నికల్లో ఓటమికి బాధ్యత వహిస్తూ ఈ నిర్ణయం తీసుకున్నారు. ఈ మేరకు రాజీనామా పత్రాన్ని కాంగ్రెస్ అధ్యక్షుడు రాహుల్ గాంధీకి సమర్పించారు.
"ప్రజల నిర్ణయాన్ని గౌరవిస్తున్నా. అందుకు బాధ్యతగా నా రాజీనామా పత్రాన్ని రాహుల్గాంధీకి సమర్పించాను. నాపై నమ్మకం ఉంచి బాధ్యతలను అప్పగించినందుకు రాహుల్కు కృతజ్ఞతలు."
-జ్యోతిరాదిత్య సింధియా, కాంగ్రెస్ నేత
ముంబయిలో మిలింద్...
ముంబయి కాంగ్రెస్ అధ్యక్షుడి పదవికి మిలింద్ దేవరా రాజీనామా చేశారు. జాతీయ రాజకీయాల్లోకి వెళ్లేందుకు ఈ నిర్ణయం తీసుకున్నట్టు తెలిపారు. పార్టీని బలోపేతం చేసేందుకు కృషి చేస్తానని స్పష్టం చేశారు.
ఇదీ చూడండి: 'కర్నాటకం'లో కాంగ్రెస్ ఆఖరి ప్రయత్నాలు
