జమ్ముకశ్మీర్లో ఐదుగురు లష్కరే తోయిబా అనుచరులను పోలీసులు, భద్రతా సిబ్బంది అదుపులోకి తీసుకున్నాయి. బారాముల్లా జిల్లాలోని సోపోర్ ప్రాంతంలో వీరిని అరెస్టు చేసినట్లు అధికార వర్గాలు తెలిపాయి.
సోపోర్ పోలీసులు, భద్రతా బలగాలు సంయుక్తంగా నిర్వహించిన ఆపరేషన్లో వీరు పట్టుబడ్డారు. వారి నుంచి ఆయుధాలను స్వాధీనం చేసుకున్నారు. సోపోర్లో లష్కరే తొయిబా ప్రాబల్యాన్ని పెంచేందుకు ఈ ఐదుగురు కీలకంగా వ్యవహరిస్తున్నారని అధికారులు వెల్లడించారు.
ఐదుగురిపై సోపోర్ పోలీసులు కేసు నమోదు చేశారు. ఈ ఘటనపై దర్యాప్తు చేస్తున్నారు.
ఇదీ చదవండి: చైనా జవానును అదుపులోకి తీసుకున్న సైన్యం
