370 రద్దు: కశ్మీర్​లో పరిశ్రమలకు తాళం

జమ్ము కశ్మీర్​లో  అధికరణం 370 రద్దు చిన్నాచితకా పరిశ్రమలపై తీవ్ర ప్రభావం చూపింది. బయటి ప్రపంచంతో సంబంధాలు తెగిపోయి దిక్కుతోచని స్థితిలో ఉన్నారు పలువురు వ్యాపారులు. పలు ఫ్యాక్టరీలు ఏకంగా మూతపడ్డాయి.

జమ్ము కశ్మీర్​లో పలు ఫ్యాక్టరీలు మూతబడ్డాయి. అధికరణం 370 రద్దుతో రాష్ట్రంలోని సమాచార మాధ్యమాలకు అంతరాయం కలిగింది. బ్యాంకింగ్, మొబైల్​ ఫోన్ , ఇంటర్నెట్​ సేవలు నిలిచిపోయాయి.​ 19 రోజుల నుంచి బయటి ప్రపంచంతో పూర్తిగా సంబంధాలు తెగిపోయాయి.

కశ్మీర్​లో కమ్యూనికేషన్ సేవలను త్వరలోనే పునఃప్రారంభిస్తామని ప్రభుత్వం చెబుతూ వస్తున్నా.. సూక్ష్మ, మధ్యతరహా పరిశ్రమలు వినియోగదారులను చేరుకోలేక ఇబ్బందులు పడుతున్నాయి. ఫలితంగా ఉత్పత్తులన్నీ ఎక్కడివక్కడ నిలిచిపోయి పెట్టుబడికి ఇబ్బందులు ఎదురవుతున్నాయి. గత్యంతరం లేక కశ్మీర్ ​లోయలోని పలు పరిశ్రమలు ఇప్పటికే మూసేశారు.

జమ్ములోని ఛాంబర్ ఆఫ్ ట్రేడర్స్ ఫెడరేషన్ కశ్మీర్ నుంచి యాపిల్ వంటి త్వరగా పాడైపోయే సరుకులను రవాణా చేయడానికి ప్రత్యేక కారిడార్ కావాలని డిమాండ్ చేసింది. పలు సంస్థలు ఈ తరహా ఆందోళనలు చేపడుతున్నాయి.

"నేను యాపిల్​ పరిశ్రమలో పనిచేస్తాను. ప్రత్యేక ప్రతిపత్తిని తొలగించినప్పటి నుంచి పరిశ్రమ మూతపడింది. సీజన్​లో ఇలా మూతపడడం వల్ల మా వ్యాపారాలకు తీరని నష్టం చేకూరింది. ఆగస్టు 15 నుంచి నేను మా కుటుంబ సభ్యులతో మాట్లాడే వీలు లేకుండాపోయింది. వారికి నేనెలా ఉన్నానో కూడా సమాచారం లేదు."
-సతీష్​​, సహాయకుడు

ఇదీ చూడండి: కన్నయ్య బర్త్​డే: చిన్ని కృష్ణుల ప్రపంచ రికార్డ్​!