దేశంలో 3.6 లక్షల దిగువకు యాక్టివ్​ కేసులు

కరోనా యాక్టివ్​ కేసుల్లో గణనీయమైన తగ్గుదల కనిపిస్తోంది. దేశంలో వైరస్​తో బాధపడుతున్న వారి సంఖ్య 3.6 లక్షల దిగువకు చేరింది. గత 15 రోజులుగా కొత్త కేసుల కంటే.. కోలుకున్న వారి సంఖ్యే అధికంగా ఉంటోంది.

దేశంలో కరోనా యాక్టివ్​ కేసులు క్రమంగా తగ్గుముఖం పడుతున్నాయి. మొత్తం యాక్టివ్ కేసుల సంఖ్య 3,59,819కి చేరింది. ఇప్పటివరకు నమోదైన పాజిటివ్​​ కేసుల్లో ఈ సంఖ్య 3.6 శాతంగానే ఉందని కేంద్ర వైద్య ఆరోగ్య శాఖ.. శనివారం తెలిపింది. రోజువారీ కొత్త కేసులతో పోలిస్తే.. రికవరీల సంఖ్య ఎక్కువగా, మరణాల సంఖ్య తక్కువగా ఉండడం వల్లే ఈ ఫలితాలు నమోదయ్యాయని పేర్కొంది.

క్రమంగా తగ్గుతూ 3.6 లక్షలకు దిగువకు యాక్టివ్​ కేసులు

క్రమంగా తగ్గుతోన్న కరోనా మరణాలు

"భారత్​లో కొవిడ్​ యాక్టివ్​ కేసుల సంఖ్య తగ్గుముఖం పడుతోంది. మొత్తం యాక్టివ్​ కేసుల సంఖ్య 3.6 లక్షల కంటే దిగువకు చేరింది. ఇది మొత్తం కరోనా కేసుల్లో కేవలం 3.6శాతంగా ఉంది. గత 15 రోజులుగా కొత్తగా నమోదయ్యే కేసుల కంటే కోలుకుంటున్న వారి సంఖ్యే అధికంగా నమోదవుతోంది."

-- కేంద్ర వైద్య ఆరోగ్య శాఖ

ఒక్కరోజులో 33,494 మంది వైరస్​ నుంచి కోలుకున్నారని వైద్య ఆరోగ్య శాఖ తెలిపింది. మరో 30,006 మంది కొత్తగా వైరస్​ బారినపడ్డారని తెలిపింది.

గత 15 రోజులుగా కొత్త కేసుల కంటే రికవరీల సంఖ్యే అధికం

6 కరోనా ప్రభావిత రాష్ట్రాల్లో తగ్గుముఖం పడుతోన్న కేసులు

మహారాష్ట్ర, కర్ణాటక, కేరళ, బంగాల్​, ఉత్తర్​ప్రదేశ్​, దిల్లీలో రోజువారీ కేసుల్లో క్రమంగా తగ్గదల కనిపిస్తోందని చెప్పింది. కొన్నిరోజులుగా మరణాల సంఖ్యలోనూ తగ్గుదల కనిపిస్తోందని పేర్కొంది.

ఇదీ చూడండి:కొవిషీల్డ్.. నెలకు 10కోట్ల డోసులు