ప్రపంచంలో అత్యంత పొడవైన ప్లాట్ఫార్మ్ ఉన్న రైల్వే స్టేషన్గా కర్ణాటకలోని హూబ్లీ స్టేషన్ రికార్డులకు ఎక్కనుంది. 1505 మీటర్ల పొడవు, 10 మీటర్ల వెడల్పుతో నిర్మిస్తున్న ప్లాట్ఫార్మ్ను ప్రధాని నరేంద్ర మోదీ త్వరలో ప్రారంభించనున్నారు. ఈ విషయాన్ని పార్లమెంటరీ వ్యవహారాల శాఖ మంత్రి ప్రహ్లాద్ జోషి స్పష్టం చేశారు. యంగ్ ఇండియా స్వచ్ఛంద సంస్థ నిర్వహించిన 'స్పిట్ నాట్ ఒకే' కార్యక్రమంలో పాల్గొన్న జోషి ఈ వివరాలను వెల్లడించారు.
అప్పుడు 550.. ఇప్పుడు 1505..
హుబ్లీ స్టేషన్ ప్లాట్ఫార్మ్ పొడవు ఒకప్పుడు 550 మీటర్లు మాత్రమే. ప్లాట్ఫార్మ్ పొడగింపును మొదట 1400 మీటర్లకు అనుకున్నా, 1505 మీటర్లకు నిర్మించాలని సౌత్ వెస్ట్రన్ రైల్వే నిర్ణయించింది. 90 కోట్లతో నిర్మిస్తున్న ఈ ప్రాజెక్టు వచ్చే ఏడాది జనవరి చివరి నాటికి పూర్తయ్యే అవకాశం ఉంది. ప్రస్తుతం పొడవైన ప్లాట్ఫార్మ్ రికార్డు ఉత్తర్ప్రదేశ్లోని గోరఖ్పూర్ స్టేషన్(1366 మీటర్లు) పేరున ఉంది.
ఇదీ చూడండి : వృద్ధ రైతు సైకిల్ యాత్ర- 24 గంటల్లో 250 కి.మీ
