చైనా వక్రబుద్ధిని పసిగట్టిన భారత్ వేగం పెంచింది. శత్రువు మీద పైచేయి సాధించడానికి పక్కా ప్రణాళికలు రచిస్తోంది. ఈ నేపథ్యంలోనే.. ఫింగర్ 4 వద్ద పాగా వేసిన చైనీయుల కదలికలను పరిశీలించేందుకు అణువుగా ఉండే ముఖ్యమైన శిఖరాలను భారత్ ఆక్రమించుకున్నట్టు తెలుస్తోంది.
"పాంగాంగ్ సరస్సు వెంబడి ఉండే ఫింగర్ 4 వద్ద ఉన్న చైనా సైనికులను పరిశీలించేందుకు అణువుగా ఉండే శిఖరాలను భారత సైన్యం ఆక్రమించుకుంది. ముందస్తు జాగ్రత్తగా.. పాంగాంగ్ సరస్సు దక్షిణ ఒడ్డుకు సమీపంలో గత నెల చివర్లో ఈ సైన్యం ఈ చర్యలు చేపట్టింది."
-- భారత సైనిక వర్గాలు.
ఫింగర్ 4 వద్ద ఉన్న శిఖరాలను చైనా ఆక్రమించుకుందని.. అయితే వారి కదలికలపై నిఘా పెట్టేందుకు సాధ్యపడే పర్వత శిఖరాలను భారత సైన్యం ఆక్రమించుకుందని తెలుస్తోంది. దీనిలో గ్రీన్ టాప్ కూడా ఉన్నట్టు సమాచారం.
ఇదీ చూడండి:- ఉద్రిక్తతల వేళ భారత్-చైనా విదేశాంగ మంత్రుల భేటీ
మే నెల నుంచి ఫింగర్ 4 వద్ద చైనా పాగా వేసింది. అక్కడి నుంచి వెనక్కి మళ్లేందుకు మొండికేస్తోంది.
చర్చలు...
మరోవైపు భారత్-చైనా మధ్య గురువారం బ్రిగేడ్ కమాండర్, కమాండింగ్ ఆఫిసర్ స్థాయిలో చర్చలు జరిగాయి. ఇరు దేశాల మధ్య సమాచార వ్యవస్థ తెగిపోకూడదనే లక్ష్యంతో ఈ చర్చలు జరిగాయి.
ఇవీ చూడండి:-
