మరోసారి భారత గగనతలంలోకి చొరబడేందుకు పాక్ పాల్పడితే సమర్థంగా ఎదుర్కొనేలా సిద్ధమవుతోంది వాయుసేన. కొన్ని రోజుల క్రితం పూంచ్ సెక్టార్ వద్ద నియంత్రణ రేఖకు పది కిలోమీటర్ల దూరంలో రెండు పాకిస్థాన్ వాయుసేన విమానాలు విహరించడాన్ని అధికారులు గుర్తించారు. ఆ సమయంలో వాటిని ఎదుర్కొనేందుకు వాయుసేన వ్యవస్థను అప్రమత్తం చేశారు.
ఫిబ్రవరి 27న భారత గగనతలంలోకి చొరబడిన ఎఫ్-16 యుద్ధ విమానాలను ప్రతిఘటించేందుకు మిగ్-21తో వింగ్ కమాండర్ అభినందన్ ప్రయత్నించారు. ముఖాముఖి యుద్ధంలో పాక్ విమానాన్ని కూల్చిన అనంతరం అభినందన్ ప్రయాణించిన మిగ్-21 సైతం పొరుగుదేశంలో కూలిపోయింది. జైషే మహ్మద్ ఉగ్రవాద శిబిరాలపై భారత్ వైమానిక దాడి చేసిన తర్వాత ఇరు దేశాల మధ్య పరిస్థితి ఉద్రిక్తంగా మారింది.
సైనిక స్థావరాలను పాక్ లక్ష్యంగా చేసుకోవడాన్ని భారత్ తీవ్రంగా పరిగణించింది. ఈ ఘటనతో ఐఏఎఫ్ మరింత అప్రమత్తమైంది.
