హవాలా మోసాలకు పాల్పడి విదేశాలకు పారిపోయిన ఐపీఎల్ మాజీ కమిషనర్ లలిత్మోదీ, ఆయన భార్య మినాల్కు చెందిన బ్యాంకు ఖాతాల వివరాలు అందజేయాలని భారత్.. స్విట్జర్లాండ్ను కోరింది. భారత్ విజ్ఞప్తి మేరకు స్విస్ పన్నుల విభాగం ఎఫ్టీఏ... లలిత్మోదీ దంపతులకు తాఖీదులు జారీ చేసింది. భారత్ విజ్ఞప్తిపై 10 రోజుల్లో సమాధానం చెప్పాలని లలిత్ మోదీ దంపతులను ఆదేశించింది.
అక్రమ నగదు లావాదేవీల విషయంలో సమాచారం ఇచ్చిపుచ్చుకోవాలని భారత్, స్విట్జర్లాండ్ ఓ ద్వైపాక్షిక ఒప్పందం చేసుకున్నాయి. అందులో భాగంగానే స్విస్ తాజా చర్యలు తీసుకుంది.
లలిత్మోదీ 2010లో భారత్ నుంచి తప్పించుకుని లండన్కు పారిపోయారు. భారత్ విజ్ఞప్తి మేరకు 2016లోనూ లలిత్మోదీకి స్విట్జర్లాండ్ ఇలాంటి నోటీసులే జారీ చేసింది. అయితే లలిత్ ఇచ్చిన సమాచారాన్ని స్విస్.. భారత్కు అందజేసిందా లేదా అన్నది నిర్ధరణ కాలేదు.
ఇటీవల కాలంలో అక్రమ నగదు చలామణి ఆరోపణలు ఎదుర్కొంటున్న మరికొందరు భారతీయులకు కూడా ఎఫ్టీఏ నోటీసులు జారీ చేసింది స్విస్ ప్రభుత్వం.
ఇదీ చూడండి: మేజిక్ మెసేజ్... వాట్సాప్లో మరో అద్భుత ఫీచర్
