ప్రాణాంతక కరోనా వైరస్తో ఇప్పటికే కేరళకు చెందిన ఓ వైద్య విద్యార్థిని చికిత్స పొందుతుండగా.. తాజాగా మరో కేసు నమోదైంది. అదే రాష్ట్రానికి చెందిన మరో వ్యక్తికి ఈ ప్రమాదకర వైరస్ సోకినట్లు కేరళ ఆరోగ్యశాఖ మంత్రి స్పష్టం చేశారు. చైనాకు వెళ్లివచ్చినందునే రోగికి వైరస్ సోకిందని తెలిపారు. ప్రస్తుతం అతనికి మెరుగైన వైద్య సేవలు అందిస్తున్నట్లు వెల్లడించారు.
వుహాన్ యూనివర్సిటీలో వైద్య విద్యను అభ్యసిస్తున్న ఓ యువతికి ఇటీవలే కరోనా వైరస్ సోకింది. ప్రస్తుతం ఆమె ఆరోగ్య పరిస్థితి మెరుగుపడుతోందని వైద్యులు తెలిపారు. అలాగే ఈ ప్రాణాంతక వైరస్ వ్యాప్తిపై తప్పుడు ప్రచారాలు చేసిన ముగ్గురు కేరళ వ్యక్తులను పోలీసులు అదుపులోకి తీసుకున్నారు.
చైనా తర్వాత ఫిలిప్పైన్స్లోనే తొలి కేసు
కరోనా వైరస్తో చైనాలో ఇప్పటివరకు మూడొందల మందికి పైగా ప్రాణాలు కోల్పోయారు. వేల సంఖ్యలో జనం ఈ వైరస్ బారిన పడ్డారు. ప్రపంచ దేశాలను వణికిస్తున్న ఈ ప్రాణాంతక వైరస్తో చైనా తర్వాత మృత్యు కేసు నమోదు చేసిన తొలి దేశంగా ఫిలిప్పైన్స్ నిలిచింది. ఇదే విషయాన్ని ప్రపంచ ఆరోగ్య సంస్థ స్పష్టం చేసింది. అయితే మృతుడు చైనాలోని వుహాన్కు చెందిన వ్యక్తేనని తెలిపింది. అతనికి ఫిలిప్పైన్స్ రాకముందే కరోనా సోకి ఉండొచ్చని అధికారులు భావిస్తున్నారు.
