ప్రపంచవ్యాప్తంగా కరోనా రికవరీల్లో అగ్రస్థానానికి చేరుకుంది భారత్. సోమవారం నాటికి రికవరీల సంఖ్య 37,80,107 చేరడం వల్ల.. ఇప్పటివరకు అగ్రస్థానంలో ఉన్న బ్రెజిల్(37,23,206)ను భారత్ వెనక్కి నెట్టిందని జాన్స్ హాప్కిన్స్ విశ్వవిద్యాలయం గణాంకాల ద్వారా తెలిసింది.
ప్రపంచ దేశాల్లో ఇప్పటివరకు 2,90,06,033 కేసులు వెలుగుచూశాయి. 9,24,105మంది కరోనా ధాటికి బలయ్యారు. అయితే ప్రపంచవ్యాప్తంగా 1,96,25,959మంది బాధితులు కరోనా నుంచి కోలుకున్నారు. భారత్లో ఆదివారం 92,071 వేల కొవిడ్-19 కేసులు, 1,136 మరణాలు నమోదయ్యాయి. మొత్తం కేసులు 48 లక్షలు దాటగా.. మృతులు 80వేలకు చేరువయ్యాయి.
దేశంలో రికవరీ రేటు 78శాతానికి చేరిందని భారత ఆరోగ్యశాఖ మంత్రి హర్షవర్ధన్ వెల్లడించారు. యాక్టివ్- రికవరీ కేసుల మధ్య వ్యత్యాసం కూడా గణనీయంగా పెరుగుతోందన్నారు. దేశంలో 60 శాతం కొవిడ్-19 కేసులు మహారాష్ట్ర, కర్ణాటక, ఆంధ్రప్రదేశ్, తమిళనాడు, ఉత్తర్ప్రదేశ్ నుంచే వస్తున్నట్లు వివరించారు.
ఇదీ చూడండి:- కరోనా కాలంలో సరికొత్తగా పార్లమెంటు సమావేశాలు
