గిల్గిత్-బాల్టిస్థాన్లో ఎన్నికలు నిర్వహించేందుకు పాకిస్థాన్ సుప్రీంకోర్టు అనుమతించటాన్ని తీవ్రంగా తప్పుపట్టింది భారత్. జమ్ముకశ్మీర్, గిల్గిత్-బాల్టిస్థాన్ సహా లద్దాఖ్ ప్రాంతాలు మొత్తం భారత్లో అంతర్భాగమని స్పష్టం చేసింది. ఆక్రమించుకున్న ప్రాంతాలను పాక్ వెంటనే ఖాళీ చేయాలని తీవ్ర హెచ్చరికలు పంపింది.
" పాకిస్థాన్ సీనియర్ దౌత్యవేత్తను భారత్ పిలిపించి.. గిల్గిత్-బాల్టిస్థాన్పై ఆ దేశ సుప్రీం కోర్టు ఆదేశాలు ఇవ్వటంపై నిరసన వ్యక్తం చేశాం. కేంద్ర పాలిత ప్రాంతాలైన జమ్ముకశ్మీర్, గిల్గిత్-బాల్టిస్థాన్ సహా లద్దాఖ్ ప్రాంతాలు భారత్లోని అంతర్భాగమేనని స్పష్టంగా తెలియజేశాం. చట్టవిరుద్ధంగా, బలవంతంగా ఆక్రమించుకున్న భూభాగాలపై పాక్ ప్రభుత్వానికి, అక్కడి న్యాయవ్యవస్థకు ఎటువంటి అధికారం లేదు. జమ్ముకశ్మీర్లోని ఆక్రమిత ప్రాంతాల్లో భౌతిక మార్పులు చేయాలనుకునే ప్రయత్నాలను భారత్ తిప్పికొడుతుంది. ఆక్రమించిన ప్రాంతాలను పాక్ వెంటనే ఖాళీ చేయాలి.
– భారత విదేశాంగ శాఖ
జమ్ముకశ్మీర్లోని భూభాగాల్లో ఆక్రమణ, మానవ హక్కుల ఉల్లంఘన, దోపిడీలు వంటి దుశ్చర్యల్ని పాకిస్థాన్ దాచలేదని స్పష్టం చేసింది భారత్.
