సరిహద్దులో ఉద్రిక్తతలు రోజురోజుకు పెరుగుతున్నాయి. పైచేయి సాధించడానికి భారత్-చైనాలు తీవ్రంగా శ్రమిస్తున్నాయి. ఈ నేపథ్యంలో సరిహద్దు వెంబడి భారీగా బలగాలను తరలిస్తున్నాయి. తాజాగా.. పాంగాంగ్ సరస్సులోని దక్షిణ ప్రాంతమైన స్పాంగ్గుర్ గ్యాప్ వద్ద వేలాది మంది సైనికులు, యుద్ధ ట్యాంకులను చైనా మోహరించినట్టు సమాచారం. ఇందుకు దీటుగా భారత్ కూడా తన బలగాలను రంగంలోకి దింపినట్టు తెలుస్తోంది. ప్రస్తుతం ఇరు దేశాల సైనికులు.. ఒకరిపై ఒకరు కాల్పులు జరుపుకొనేంత దగ్గరగా ఉన్నట్టు సంబంధిత వర్గాలు తెలిపాయి.
"పాంగాంగ్ సరస్సు దక్షిణ ప్రాంతంలో ఉన్న వ్యూహాత్మక శిఖరాలను భారత సైన్యం తన అధీనంలోకి తీసుకుంది. ఈ ప్రక్రియ గత నెల 30న మొదలైంది. అది చూసిన చైనా పీఎల్ఏ.. గురుంగ్- మగర్ పర్వత ప్రాంతాల మధ్య ఉన్న స్పాంగ్గుర్ గ్యాప్నకు భారీగా బలగాలను తరలించింది. దీంతో భారత సైన్యం అప్రమత్తమై.. అంతే స్థాయిలో బలగాలను అక్కడ మోహరించింది. ఇరు దేశాల సైనికులు ఇప్పుడు.. ఒకరిపై ఒకరు కాల్పులు జరుపుకొనేంత దూరంలో మాత్రమే ఉన్నారు."
--- భారత సైనిక వర్గాలు.
సరిహద్దును ఏకీకృతం చేసేందుకు, టిబెట్ ప్రాంతాన్ని స్థిరీకరించేందుకు తన మిలీషియాను ఈసారి రంగంలోకి దింపింది చైనా. ఇందులో పర్వతారోహకులు, బాక్సర్లు, స్థానిక ఫైట్ క్లబ్స్లోని సభ్యులు ఉన్నారు. మిలీషియాలోని చాలా మంది స్థానికులే ఉన్నట్టు తెలుస్తోంది. యుద్ధ సమయంలో వీరిని మోహరించే అలవాటు చైనా పీఎల్ఏకు ఉందని సైనిక వర్గాలు స్పష్టం చేశాయి.
ఇదీ చూడండి:- టిబెట్ స్వేచ్ఛావాణికి భారత్ అండ అత్యవసరం!
అయితే చైనా రెచ్చగొట్టే చర్యలకు పాల్పడితే.. కచ్చితంగా ప్రతిఘటిస్తామని భారత్ ఇప్పటికే హెచ్చరించింది.
వాస్తవాధీన రేఖ వెంబడి ఈ ఏడాది మే నుంచి భారత్-చైనా మధ్య ప్రతిష్టంభన కొనసాగుతోంది. ఓవైపు చర్చలు జరుగుతున్నప్పటికీ... చైనా ద్వంద్వ వైఖరి వల్ల సమస్యకు పరిష్కారం లభించడం లేదు.
ఇవీ చూడండి:-
