'ఆప్​ ఏర్పాటు వెనుక భాజపా కుట్ర!'

అవినీతి వ్యతిరేక ఉద్యమాన్ని, ఆమ్​ ఆద్మీ పార్టీని వెనుక నుంచి నడిపి యూపీఏ ప్రభుత్వాన్ని ఆర్​ఎస్​ఎస్​- భాజపా గద్దె దించాయని కాంగ్రెస్​ అగ్రనేత రాహుల్ గాంధీ ఆరోపించారు. ఈ కుతంత్రాలతో ప్రజాస్వామ్యాన్ని అవహేళన చేశారన్నారు.

ప్రజాస్వామ్యాన్ని ఖూనీ చేస్తూ అప్పటి యూపీఏ ప్రభుత్వాన్ని అధికారం నుంచి దించేందుకు ఆర్​ఎస్​ఎస్​-భాజపా కుట్ర చేశాయని కాంగ్రెస్​ అగ్రనేత రాహుల్ గాంధీ ఆరోపించారు. 2011లో ఉవ్వెత్తున ఎగసిపడిన అవినీతి వ్యతిరేక ఉద్యమం, ఆమ్​ఆద్మీ పార్టీ వెనుక భాజపా హస్తముందని విమర్శించారు.

కాంగ్రెస్​ను అధికారం నుంచి తప్పించి గద్దెనెక్కడానికి అవినీతి వ్యతిరేక ఉద్యమానికి భాజపా-ఆర్​ఎస్​ఎస్​ పెద్ద ఎత్తున మద్దతిచ్చాయని ఆమ్​ఆద్మీ పార్టీ వ్యవస్థాపక సభ్యుడు, ప్రముఖ న్యాయవాది ప్రశాంత్​ భూషణ్ చేసిన వ్యాఖ్యలను ఈ సందర్భంగా రాహుల్​ ప్రస్తావించారు.

ఈ కుట్రల గురించి అందరికీ తెలిసిన విషయాన్ని ఆప్​ వ్యవస్థాపక సభ్యుడు ధ్రువీకరించారని రాహుల్ ట్వీట్​ చేశారు.

సోనియా గాంధీ వైద్య పరీక్షల​ కోసం రాహుల్ ఆమెకు తోడుగా​ అమెరికా వెళ్లారు.​

• What was known to us has been confirmed by a founding AAP member.
  
  The IAC movement & AAP were propped up by the RSS/BJP to subvert democracy and bring down the UPA government.https://t.co/QDYyOOTtw7

  — Rahul Gandhi (@RahulGandhi) September 15, 2020 " class="align-text-top noRightClick twitterSection" data="

  What was known to us has been confirmed by a founding AAP member.
  
  The IAC movement & AAP were propped up by the RSS/BJP to subvert democracy and bring down the UPA government.https://t.co/QDYyOOTtw7

  — Rahul Gandhi (@RahulGandhi) September 15, 2020

  ">

  What was known to us has been confirmed by a founding AAP member.
  
  The IAC movement & AAP were propped up by the RSS/BJP to subvert democracy and bring down the UPA government.https://t.co/QDYyOOTtw7

  — Rahul Gandhi (@RahulGandhi) September 15, 2020

ఆప్ మండిపాటు

రాహుల్ వ్యాఖ్యల్ని తప్పుబట్టారు ఆమ్​ ఆద్మీ పార్టీ నేత సంజయ్​ సింగ్. కాంగ్రెస్​ వైఫల్యాలను కప్పిపుచ్చుకునేందుకు ఇలాంటి కుంటి సాకులు చెబుతున్నారని ధ్వజమెత్తారు. ప్రస్తుతం దేశ ప్రజలకు భాజపా, కాంగ్రెస్​పై నమ్మకం లేదని... భవిష్యత్​లో వారు ఆప్​నే ఎంచుకుంటారని వ్యాఖ్యానించారు.

2014 ఎన్నికలకు ముందు...

అవినీతి వ్యతిరేక ఉద్యమంలో చురుగ్గా పాల్గొన్నవారిలో ప్రశాంత్​ భూషణ్​ ఒకరు. ఆమ్​ఆద్మీ పార్టీ స్థాపనకు ఈ ఉద్యమం ప్రధాన కారణం. అయితే పార్టీ వ్యతిరేక కార్యకలాపాలకు పాల్పడుతున్నారన్న ఆరోపణలతో భూషణ్​, యోగేంద్ర యాదవ్​ను ఆమ్​ఆద్మీ పార్టీ నుంచి బహిష్కరించింది.

జన్​ లోక్​పాల్​ బిల్లు ప్రవేశపెట్టడంపై ఆందోళన వ్యక్తం చేస్తూ 2011, 2012లో ఈ అవినీతి వ్యతిరేక ఉద్యమం మొదలైంది.

• ఇదీ చూడండి: ఆ ఐదుగురిని ఎత్తుకెళ్లి 'స్వర్గం' చూపించిన చైనా!