ఉద్ధవ్​ ప్రమాణ స్వీకారంపై బొంబాయి హైకోర్టు 'ఆందోళన'

ముఖ్యమంత్రిగా ప్రమాణస్వీకారం చేయడానికి ఉద్ధవ్​ ఠాక్రే శివాజీ పార్కును వేదికగా ఎంచుకోవడంపై ఆందోళన వ్యక్తం చేసింది బొంబాయి హైకోర్టు. రాజకీయ వేడుకల కోసం బహిరంగ ప్రదేశాలు వినియోగించడం సాధారణ విషయంగా మారకూడదని అభిప్రాయపడింది.

మహారాష్ట్ర ముఖ్యమంత్రిగా శివసేన అధ్యక్షుడు ఉద్ధవ్​ ఠాక్రే రేపు ప్రమాణస్వీకారం చేయనున్నారు. ఈ వేడుక కోసం ముంబయిలోని శివాజీ పార్కు ముస్తాబవుతోంది.

ప్రమాణస్వీకార మహోత్సవానికి సంబంధించిన భద్రతాపరమైన అంశాలపై బొంబాయి హైకోర్టు ఆందోళన వ్యక్తం చేసింది. ఇలాంటి వేడుకల కోసం బహిరంగ మైదానాలు వినియోగించడం ట్రెండ్​గా మారకూడదని అభిప్రాయపడింది.

వేడుకలు చేసుకోవడానికి శివాజీ పార్కు.. మైదానమా? లేక వినోదాత్మక ప్రాంగణమా అని ప్రశ్నిస్తూ వికామ్​ ట్రస్ట్ అనే స్వచ్ఛంద సంస్థ​ దాఖలు చేసిన వ్యాజ్యాలపై విచారణ చేపట్టిన హైకోర్టు ఈ వ్యాఖ్యలు చేసింది.

"రేపు జరగనున్న వేడుకపై మేము ఏమీ మాట్లాడం. ఎలాంటి అవాంఛనీయ ఘటనలు జరగకూడదని ప్రార్థిస్తున్నాం. కానీ ఈ తరహా వేడుకలను పార్కుల్లో నిర్వహించడం సాధారణం అయిపోయింది. వేడుకల కోసం ఇలాంటి మైదానాలనే వినియోగిస్తున్నారు."
--- బొంబాయి హైకోర్టు.

2010లో పార్కు ప్రాంగణాన్ని 'సైలెన్స్​ జోన్​'గా ప్రకటించింది హైకోర్టు.

ఇదీ చూడండి:- మంచు కురిసెన్- బడికి సెలవు వచ్చెన్