నది ఉప్పొంగి వరదొచ్చింది.. మొసలి కాలనీకొచ్చింది!

గుజరాత్​లో భారీ వర్షాలు జనాలకు చుక్కలు చూపిస్తున్నాయి. వర్షాలకు నది సమీప ప్రాంతాలన్నీ వరదమయం అవుతున్నాయి. నదుల్లో ఉండే జీవులు ప్రవాహంతోసహా కాలనీల్లోకి వచ్చేస్తున్నాయి. చిన్న చిన్న చేపలొస్తే ఏమో గానీ, చిన్న చిన్న మొసల్లొస్తే.. గుజరాత్​లో అచ్చం ఇదే జరిగింది. జనాలు బెంబేలెత్తిపోయారు.

గుజరాత్​ వడోదరలో భారీ వర్షాలకు విశ్వామిత్రి నది పొంగి పొర్లుతోంది. దాదాపు 600 పైగా మొసళ్లకు నిలయం ఆ నది. నీటిమట్టం పెరిగి పరిసర ప్రాంతాలను నది వరద ముంచెత్తుతోంది. వరదల్లో ఓ బుజ్జి మకరం దారి తప్పి పోలో గ్రౌండ్​ ప్రాంతంలోకి వచ్చేసింది. హడలిపోయిన జనాలు విషయాన్ని అధికారులకు తెలిపారు. వెంటనే స్పందించిన వన్యప్రాణి సంరక్షక బృందం ఆ మొసలి పిల్లను రక్షించింది.

ఏమరపాటుగా ఉంటే రెండడుగుల వర్షపు నీటిలో ఆ మొసలి కనిపించి ఉండకపోయేది. ఎవ్వరికీ ఎలాంటి హాని జరగకముందే మకరాన్ని గుర్తించారు స్థానికులు. అధికారులకు పట్టించి ఊపిరి పీల్చుకుంటున్నారు.

ఇదీ చూడండి:75 ఏళ్లు పైబడిన వారికి భోజనం ఉచితం