మాజీ ప్రధానమంత్రి మన్మోహన్ సింగ్కు ఎస్పీజీ రక్షణను ఉపసంహరించుకుంది కేంద్ర ప్రభుత్వం. మన్మోహన్కు జెడ్ ప్లస్ భద్రత కేటాయించింది. వివిధ నిఘా సంస్థల నివేదిక ప్రకారం ఈ నిర్ణయం తీసుకుంది.
"మన్మోహన్కు జెడ్ ప్లస్ భద్రత కేటాయించాం. కాలానుగుణంగా తీసుకునే చర్యల్లో ఇదొక భాగం. వివిధ భద్రతా సంస్థలతో చర్చలు జరిపి ఈ నిర్ణయం తీసుకున్నాం."
--- హోంశాఖ ప్రతినిధి.
ప్రత్యేక రక్షణ బృందం(ఎస్పీజీ), వివిధ నిఘా సంస్థల నివేదికతో కేబినెట్ సెక్రటేరియట్, హోంశాఖ మూడు నెలల పాటు సమీక్షించిన అనంతరం మన్మోహన్కు జెడ్ ప్లస్ భద్రతను కేటాయించింది. ఇందులో భాగంగా మాజీ ప్రధానికి సీఆర్పీఎఫ్ రక్షణ కల్పించే అవకాశముంది.
దేశంలో ప్రధాని నరేంద్ర మోదీ, కాంగ్రెస్ అధ్యక్షురాలు సోనియా, ఆ పార్టీ నేతలు రాహుల్, ప్రియాంక గాంధీకి మాత్రమే ఇప్పుడు ఎస్పీజీ భద్రత ఉంది.
ఎస్పీజీ 1988 చట్టం ప్రకారం మన్మోహన్ ప్రధాని పదవికి రాజీనామా చేసిన ఏడాది వరకు ఎస్పీజీ భద్రతను కేటాయించాలి. కానీ మన్మోహన్, అయన భార్య గురుశరన్ కౌర్కు ఉన్న ముప్పును దృష్టిలో పెట్టుకుని ఎస్పీజీ భద్రతను పొడిగించారు.
ఇదీ చూడండి:- తుపానుపై అణు బాంబు వేస్తే సరి: డొనాల్డ్ ట్రంప్
