20 కోట్ల మంది మహిళల జన్ధన్ ఖాతాల్లోకి తొలి విడతలో భాగంగా రూ.500 బదిలీని ప్రభుత్వం పూర్తి చేసినట్లు అధికార వర్గాలు తెలిపాయి. ఆర్థికమంత్రి నిర్మలా సీతారామన్ గతనెలలో ప్రకటించిన రూ.1.70 లక్షల కోట్లు ఉపశమన ప్యాకేజీలో భాగంగానే ప్రభుత్వం విడుదల చేసింది. లాక్డౌన్ కారణంగా ప్రజలు పడే కష్టాలను తగ్గించే లక్ష్యంతో రానున్న మూడు నెలల్లో 20.5 కోట్ల మంది మహిళ జన్ధన్ ఖాతాల్లోకి రూ.500 నగదు బదలీ చేస్తామని సీతారామన్ తెలిపారు.
భౌతిక దూరం పాటించి..
డబ్బు, ప్రతీ ఖాతాదారునికి చేరిందని, లబ్ధిదారులు భౌతిక దూరాన్ని దృష్టిలో ఉంచుకొని అవసరాలకు తగిన విధంగా నగదు విత్డ్రా చేసుకోవాలని నిర్మల సూచించారు. భౌతిక దూరం పాటించి.. ఎలాంటి ఇబ్బంది లేకుండా లబ్ధిదారులు నగదు ఉపసంహరించుకొనేలా చూడటానికి, ఇండియన్ బ్యాంక్స్ అసోసియేషన్ (ఐబీఏ) ఏప్రిల్ నెలలో అన్ని బ్యాంకులు అనుసరించాల్సిన నిబంధనలు రూపొందించింది.
ఖాతా చివరి అంకె ఆధారంగా..
జన్ధన్ ఖాతాల్లో చివరి లబ్ధిదారుని ఖాతా ఆఖరి అంకె ఆధారంగా నగదు ముందు జమ అవుతుంది. 0 లేదా 1తో ముగిసిన ఖాతాదారులకు ఏప్రిల్ 3న, 2 లేదా 3తో అయితే ఏప్రిల్ 4న, 4లేదా 5 (ఏప్రిల్7) 8లేదా9 (ఏప్రిల్9) ఖాతాల్లో నగదు జమ అవుతుందని తెలిపారు. మరో రెండు విడతల్లో మే, జూన్ నెలల్లో నగదు బదిలీ చేయనున్నట్లు అధికారులు వెల్లడించారు.
ఇదీ చూడండి: కరోనా పంజా: మహారాష్ట్రలో మరో 117 మందికి వైరస్
